• |
ide | kryesore

Denoncimi/ Ilir Beqja së bashku me 3 deputetë të PS kanë përfituar 78 mln euro pa garë (Emrat)

Lajme, Të fundit



Partia demokratike me anë të një dalje për mediat ka bërë një denoncim kundrejt 4 deputetëve të PS-së. Sipas PD-së këta 4 deputetë përfitojnë para publike nëpërmjet kompanive të tyre, në shumicën dërrmuese të rasteve pa garë. PD shprehet se Ilir Beqja, i cili nuk është më ministër, por vazhdon të favorizohet nga Rama duke marrë miliona lekë nga taksat e shqiptarëve.

Deklarata e Drejtueses së Departamentit Antikorrupsion Lealba Pelinku:

Që kur ka ardhur në pushtet, Edi Rama e ka përqëndruar shpërndarjen e taksave të rritura të shqiptarëve në pak duar, që janë ose miq të tij, ose klientë, ose deputetë, me të cilët blen dhe mban pushtetin.

Janë të paktën 4 deputetë të tij që përfitojnë para publike nëpërmjet kompanive të tyre, në shumicën dërrmuese të rasteve pa garë. Ilir Beqaj është njeriu më i afërt i Edi Ramës, i cili, edhe pse nuk është më ministër vazhdon të marrë me qindra milionë lekë nga taksat e shqiptarëve.

Rasti më i fundit është ai i shpalljes fituese të kompanisë “Intech+”, e zotëruar de facto prej Beqajt. Në një tender pa asnjë konkurrent, shoqëria e ish ministrit që rrënoi shëndetësinë, u shpall fituese për 1 mld e 362 mln lekë ose 1,1 mln euro, duke pasur ofertë gati të njëjtë me fondin limit, pa i kursyer buxhetit gati asnjë qindarkë.

1.1 milionë euro, të fituara së fundmi nga taksat e rritura të shqiptarëve, i shtohen pasurisë së Ilir Beqjes, i cili, që kur Rama është bërë kryeministër, ka përfituar tendera me vlerë 29 milionë euro. Ilir Beqja nuk është i vetëm në listën e deputetëve të Edi Ramës që pasurohen me paratë e shqiptarëve.

Prej kohës kur Edi Rama është kryeministër, Sadri Abazi ka fituar tendera me vlerë 34 milionë euro nga paratë publike. Media raportoi pak kohë më parë se në shumë prej tenderave, kompania ka paraqitur dokumentacion fallco, por nga prokuroria, nën kontrollin e Edi Ramës, nuk ka asnjë reagim.

2 deputetët e tjerë të partisë Socialiste, Xhemal Qefalia dhe Pjerin Ndreu, kanë përfituar secili nga tenderat publikë prej 8.1 dhe 7 milionë euro. Këta të 4 deputetë të Edi Ramës, Ilir Beqja, Sadri Abazi, Xhemal Qefalia dhe Pjerin Ndreu kanë përfituar së bashku 78 milionë euro nga paratë publike të shqiptarëve, të cilëve ata u kanë rritur çdo vit taksat në parlament.

78 milionë euro nga pasuria publike për 4 deputetë është rekord i babëzisë së pushtetit të Edi Ramës, i cili si qëllim të vetëm ka pasurimin e tij dhe të njerëzve të afërt të tij për të blerë pushtetin dhe për të sunduar shqiptarët. Të tilla rekorde korruptive janë një nga pengesat madhore të hapjes së negociatave për anëtarësimin në Bashkimin Europian.



4 Comments

  1. ALI BABA me 40 oligarke qe na mburret per sinqeritetin e drejtimit shteteror eshte vete krye banditi. Nuk ka me fjale, e perde te maskoi bemat hajdute e drogemene te ketij firauni qe po rrenon ekonomine e popullit te vet, vetem duke e xhvatur me taksa te pa perballueshme , ne krahasim me te ardhurat. Kush eshte ky qe po na e ben kete menxyre jetese, pa vene gishtin ne koke per fukarallekun e mjerimin qe po ikanoset ketij populli?Ka ngritur nje pushtet me diktature ekonomike, te maskuar permes mashtrimit. Ky ka humbur vecorite njerezore ehumane, vetem nga miopia e pasurimit te familjes e oligarkeve. Shihi surratin, e bejini analizen shpirterore, e pastaj jepijani ate qe meriton, bashke me ju popull, edhe ne si pjese e tuaja.

  2. o ju shkerdhefte Kina robt, boll me show mediatik, shkoni denonconi ne prokurori ne fillim pastaj dilni e tallni trapin me miletin

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *