Tragjedi ne një familje ne Maqedoni. Ngjarja e rende ka ndodhur dje pasdite ne Veles, ku zjarri ne banese ka shkrumbuar tre fëmijë, të moshës 1, 2 dhe 5 vjeçare.
Ashtu siç shkruajnë mediat lokale, shtëpia në të cilën ka ndodhur zjarri gjendet në terren jo të qasshëm në Veles, gjë që e ka rënduar ndërhyrjen e ekipeve të zjarrfikësve.
Mësohet se bëhet fjalë për familje e cila është në gjendje të rëndë financiare, e cila ka improvizuar një vendbanim dhe aty ka jetuar rreth 2 vjet.
Zjarrin e kanë parë fqinjët të cilët kanë qenë larg nga shtëpia qindra metra.
Policia është në terren dhe po kryen ekspertizë për zbardhjen e arsyeve të zjarrit.