“Sot jemi të gjithë të trishtuar”. Kështu e ka komentuar Angela Merkel eliminimin e Gjermanisë nga “Rusi 2018” pas humbjes 2-0 me Korenë e Jugut. Kancelarja gjermane ka mësuar rezultatin, ndërsa ishte me një robot humanoid me emrin Sophia, në një konferencë të organizuar nga revista “Wirtschaftswoche” në temën “Morales and Machines”. Roboti ka listuar trofetë e fituar nga kombëtarja gjermane për ta ngushëlluar dhe Merkel është përgjigjur: “Po Sophia, është e vërtetë, nëse dikush e sheh për përgjatë historisë, por sot jemi të gjithë shumë të trishtuar”.