• |
ide | kryesore

Dështimi me negociatat/ Si e lexon Berisha përgjigjen që mori Shqipëria në Luksemburg

Lajme, Të fundit



Ish kryeministri mungoi këtë të enjte në parlament. Sali Berisha e publikoi në Facebook qëndrimin e tij për refuzimin e hapjes së negociatave nga BE. Sipas Berishës, vendimet që u morën në Luksemburg në takimin e Ministrave të Jashtëm të vendeve anëtare e thonë qartë se me Ramën nuk ka hapje negociatash.

Ish kryeministri e ndan në tre pjesë mënyrën si e lexon ai moshapjen e negociatave. Në pjesën e parë është rrëzimi i rekomandimit të Komisionit Europian, pjesa e dytë ka të bëjë me mungesën e një date fikse se kur do të hapen negociatat. Pjesa e tretë, sipas Berishës janë kushtet që iu vendosën Shqipërisë.

Më poshtë analiza e Berishës për përgjigjen që iu dha Shqipërisë nga Bashkimi Europian:

E verteta e vendimeve te Luksemburgut!

Te dashur miq, une kam ndjekur me interes polemikat mbi zhvillimet e fundit, analizat, deklaratat, informimet por edhe morine e dizinformimeve te shumta per konkluzionet e takimit te Keshillit te Ministrave te BE te dt 27 qershor 2018.

Me kete rast dua te theksoj se me gjithe zhurmen e fuqishme dizinformuese te narkoqeverise, lakejve, puthadoreve te saj etj, e verteta eshte se 27 qershori ishte nje dite disfate dhe jo fitoreje, nje dite deshtimi dhe jo suksesi per qeverine shqiptare! Le te leme menjane pasionet dhe t’u referohemi strikt vendimeve qe u moren ne Luksemburg.

A- Vendimi i pare i Keshillit te Ministrave te Jashtem te vendeve te BE me 27 qershor ishte hedhja poshte e miratimit te propozimit te Komisionit Europian per hapjen pa kushte te negociatave te Shqiperise me BE.

Sipas rendit te dites te nojftuar kohe para takimit te dt 27 qershor te Keshillit te Ministrave te vendeve te BE, ministrat duhet te shqyrtonin dhe te vendosnin per propozimin e Komisionit Europian te dy muajve me pare per hapjen pa kushte te negociatave me Shqiperine. Edi Rama kishte deklaruar publikisht disa here se negociatat do hapeshin ne qershor ose maksimumi ne vjeshte.

Por perveç ketyre duhet theksuar se ne Keshillin e Ministrave te dates 13 dhjetor te vitit 2016, pas shqyrtimit te rekomandimit te Komisionit Europian per hapjen e negociatave me Shqiperine, Keshilli nuk vendosi per hapjen e tyre por ne dokumentin zyrtar te atij takimi thuhet se Keshilli “fton Komisionin te raportoje per Shqiperine veças nga paketa e zgjerimit dhe do ti rikthehet Shqiperise sapo te jete bere progresi i mjaftueshem”.

Keshtu qe, ne zbatim te ketij vendimi, Komisioni i paraqiti raportin e tij dy dite me pare Keshillit te Ministrave te BE me rekomandimin per hapjen pa kushte te negociatave me Shqiperine!

Ne te vertet rekomandimi i Komisionit per hapjen pa kushte te negociatave me Shqiperine vdiq para se te shkonte per shqyrtim ne Keshill. Kjo pasi Gjermania paraqiti publiksht para takimt propozimin e saj te hapjes, por me 10 kushte, te negociatave me Shqiperine kurse parlamenti i Mbreterise se Hollandes votoi ne shumice per mos hapjen e negociatave me Shqiperine per shkak te problemeve madhore me krimin, korrupsionin, drogen etj.

Po keshtu, Franca ne takime diplomatike kishte bere te qarte qendrimin e saj kunder hapjes se negociatave me Shqiperine deri pas zgjedhjeve europiane per shkak te luftes se pamjaftueshme kunder krimit, korrupsionit dhe numrit te rritur te azilkerkuesve nga Shqiperia.

Prandaj, ashtu siç pritej, ne Luksemburg, pas debatesh vertet te zgjatura, rekomandimi per hapjen pa kushte te negociatave nuk u miratua. Lidhur me kete qendrim agjensia Reuters hap shkrimin e saj per punimet e Keshillit te Ministrave me titullin: “Bashkimi Europian hedh poshte negociatat per anetaresim me Ballkanin, Franca kerkon me shume reforma”. Perveç kesaj, Reuters me te drejte shkruan se kjo ndodhi sepse dominoi rryma e cila kerkonte me shume reforma.

B- Nuk ka asnje vendim per hapjen e negociatave ne qershor te vitit 2019!

Te gjitha deklaratat qe pohojne nje gje te tille thone thjeshte nje te pavertete.

Por ka nje vendim per shtyrjen e shqyrtimit te rekomandimit per hapjen e negociatave me Shqiperine per ne qershor te vitit 2019!

Lidhur me kete dua te theksoj se me dt 27, Keshilli i Ministrave nuk miratoi as dhe propozimin per hapjen me kushte as dhe per shtyrjen e shqyrtimit te rekomandimit per ne dhjetor te ketij viti!

Burime diplomatike por dhe agjensite me prestigjioze njoftojne se nuk u pranua siç shpresohej as dhe nje marreveshje qe do te jepte nje aprovim te qarte per fillimin e negociatave ne nje kohe te caktuar, te cilen duhet ta firmosnin te premten ne Bruksel ne Samit lideret europiane. Por u vendos qe shqyrtimi i propozimit per hapjen e negociatave te shtyhet deri pas zgjedhjeve parlamentare europiane ne qershor te vitit 2019. Pra u vendos shtyrja e shqyrtimit te vendimit per hapjen e negociatave dhe nuk u vendos hapja e tyre ne qershorin e ardhshem. Keshtu, per hapjen ose jo te negociatave do te duhet qe vendet anetare te votojne ne qershor te vitit 2019.

C- Vendimi tjeter i Luksemburgut jane 13 kushtet per hapjen e negociatave me Shqiperine ne fund te vitit 2019!

Cilido qe lexon dokumentin final te Keshillit te Ministrave konstaton se Shqiperise per hapjen e negociatave i kerkohet te plotesoje 13 kushte, te cilat jane paraqitur ne statusin e darkes se dates 27 qershor te vitit 2018.

Ketu dua te rikujtoj se ne 13 dhjetor te vitit 2016, pasi diskutoi rekomandimin e Komisionit per hapjen e negociatave me Shqiperine, Keshilli i Ministrave, ne dokumentin e tij zyrtar, perveç rekomandimit te Komisionit per rivleresimin e gjykatesve dhe prokuroreve, kerkon si kushte edhe “zbatimin e pese prioritetve para se te hapen negociatat”.

Kurse me dt 27 qershor 2018, Keshilli renditi jo me 5 por 13 kushte qe duhet te plotesoje Shqiperia per te vendosur hapjen e negociatave.

Me kete rast pyes a nuk esht bere keshtu per shqiptaret hapja e negociatave me kete qeveri nje horizont qe largohet prej tyre me shpejtesi?!

Por percaktimit te detyrimit per plotesimin e ketyre 13 kushteve per hapjen e negociatave i vjen edhe dardha me bishtin mbrapa: beso dhe kontrollo!

Dokumenti zyrtar i dates 27 qershor i Keshillit te Ministrave per hapjen e negociatave me Shqiperine shton:

“Keshilli rikujton se vendimi per hapjen e negociatave me Shqiperine do ti nenshtrohet perfundimit te procedurave kombetare parlamentare (pra miratimit nga parlamentet e vendeve anetare)dhe mbeshtetjes nga Keshilli Europian, dhe kjo me pas do do vijohet nga konferenca e pare nderqeveritare (akti simbolik i hapjes se negociatave – shenim i imi) ne varesi nga progresi i bere”.

Kjo do te thote se para se te votohet per hapjen e negociatve me Shqiperine nga Keshillii i Ministrave verifikimi i zbatimit te 13 kushteve do te behet jo vetem nga Komisioni por edhe nga parlamentet e vendeve anetare dhe vete Keshilli i Ministrave. Kesaj i thone se shkalla e mosbesimit per plotesimin e standarteve nga qeveria shqiptare eshte maksimale.

Si perfundim, del e qarte si drita e diellit se, me Ramen nuk ka negociata me BE, dhe ata qe besojne ndryshe ose kane me lidhje kriminale me Ramen dhe narkoshtetin e tij ose besojne rrethin katror!?!? sb



4 Comments

  1. Foli komunisti i fundit. nje nga kushtet eshte me te fut ty ne burg. duhet me e plotesu ket kusht deri vitin tjeter. ik o burr leri rehat shqiptaret se te kan duruar boll. ik luaj domino derisa te plotesohet kushti.

  2. jo po te besojm ty, komunistin e fundit ish basjkepuntarin e sigurimit te shtetit dhe te UDB-se. pa te fut ty ne burg e dim, ska hapje negociatash sepse do te thot qe ska filluar te funksionoj sistemi i drejtesis. leri shqipet rehat se na je ber si dhelpra pas boleve te dashit.

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *