• |
ide | kryesore

15 ditë më pak/ Urdhri për drejtorët e shkollave: 30 ditë pushime verore

Lajme



Drejtoret e shkollave do ta nisin punen me 17 gusht. Ky eshte urdhëri i lëshuar nga DAR Tirana, i cili njofton se drejtoret do te ketë vetëm 30 ditë pushim dhe jo 45 ditë sa është leja vjetore. Burime nga Ministria e Arsimit për News 24 konfirmojne se afati 30 ditor përshfin vetëm lejen verore, dhe nga ky urdhër përjashtohen mësuesit.

Një urdhër i hartuar nga Drejtoria Arsimore Rajonale e Tiranës ka mbërritur në shkollat e kryeqytetit, sipas të cilit thuhet se drejtoret e shkollave do t’i bëjnë pushimet verore nga data 16.07.2018 deri me datë 17.08.2018, pra 30 ditë. Ky urdhër sipas drejtuesve jepet për here te pare ne arsim, pasi leja e zakonshme vjetore përshin 45 ditë në total. Të pyetur nga News 24, burime nga Ministria e Arsimit bëjnë te ditur se afati 30 ditor përfshin vetëm lejen verore, dhe vlen për drejtuesit e shkollave e jo për mësuesit. Urdhëri përcakton se drejtuesit duhet te paraqiten në shkolla me datë 17 gusht për t’u marrë me përgatitjet e provimeve të vjeshtës. Burimet nga Ministria e Arsimit sqarojnë më tej se drejtuesit e shkollave mund t’i marrin 15 ditët e mbetura nga leja vjetore në një moment të dytë. Edhe pse ky urdhër i Drejtorise Arsimore të Tiranës nuk vlen për lejen verore të mësuesve, me gjasë edhe këta të fundit do të duhet të paraqiten në shkolla, nëse vendoset nga drejtoria e shkollës.



Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *