Burre e grua gjenden pa jetë brenda banesës së tyre në Elbasan. Ngjarja e rëndë ka ndodhur në fshatin Gjegjan të Elbasanit.
Bashkëshortët Lici jetonin të vetëm në banesë, pasi i kanë fëmijët në emigracion.
Burri është identifikuar si Vasil Lici, 65 vjec, kurse gruaja Sabrije Lici, 61-vjec, që mendohet se vuante nga skleroza.
Dyshohet se ata kanë më shumë se një ditë që kanë ndërruar jetë dhe dyshimet e para flasin për një vdekje shkaktuar nga asfiksia prej gazit.
Ngjarja dyshohet e qëllimshme, pasi ka qenë burri që ka hapur gazin dhe më pas i ka vënë flakën.
Informacion paraprak
Në fshatin Gjergjan, Elbasan, në banesë janë konstatuar pa shenja jete nga një i afërm i tyre shtetasit: V. Liçi, 65 vjeç, dhe bashkëshortja e tij shtetasja S. Liçi, 61 vjeçe.
Grupi hetimor në vendngjarje po punon për zbardhjen e plotë të rrethanave të ngjarjes, ku nga hetimet paraprake dyshohet se shtetasi V. Liçi ka hapur bomblën e gazit e më pas i ka vendosur flakën.
Si pasojë kanë marrë flakë disa orendi shtëpiake si dhe dyshohet nga asfiksia kanë ndëruar jetë bashkëshortët.
Nipi i tyre ka konstatuar zjarrin dhe ka shkuar menjëherë në banesë duke u futur nga dritarja por çifti kishte ndërruar jetë.