Mesfushori i Belgjikës, Adnan Januzaj, u është përgjigjur kritikëve të tij duke theksuar për një televizion belg se Kosova është vendi i tij dhe se si shqiptar është i lidhur me vendin e tij.
Januzaj, me prejardhje nga Istogu në Kosovë, tha para Kupës së Botës se është belg dhe ndihet i tillë, duke nxitur reagime të ashpra në vendlindjen e tij.
Megjithatë, në një intervistë për televizionin belg Sportz – Januzaj i pyetur nëse mendon shpesh për Kosovën – pohoi se po duke qenë se Kosova është vendi i tij.
“Natyrisht, them se [Kosova] është vendi im. Unë jam edhe kosovar dhe jam gjithashtu i lidhur me vendin tim. Prindërit e mi vijnë nga ky vend”, tha Januzaj.