Prej dy ditësh vijojnë lëkundjet në Shqipëri duke shkaktuar panik dhe frikë te qytetarët. Tërmeti i regjistruar në orën 11:01 të së mërkurës në Durrës u pasua nga shumë lëkundje të tjera që u ndjenë në disa qytete të vendit. Pasditen e së premtes janë regjistruar dy tërmete në jug.
Sipas Institutit të Gjeoshkencave në orën 15:28 u regjistrua një lëkundje dhe epiqendra ka qenë në Jal, ndërsa në orën 19:08 u regjistrua një tjetër me epiqendër në fshatin Bolenë në afërsi të Vlorës. Por fatmirësisht lëkundjet kanë qenë të lehta, 2.6 ballë dhe nuk raportohet dëme.
Aman se vdiqët për të përhapur pak panik! Si gazetarë profesionistë, pse nuk bëni një artikull serioz lidhur me tërmetet në Shqipëri? Pse nuk u tregoni qytetarëve që tërmete të tilla bien gati përditë dhe nuk nisën këto ditët e fundit? Pse nuk merreni me thelbin e çështjes (që Shqipëria është e papërgatitur për të përballuar tërmetet e pritshme – me aq njohuri shkencore sa ka arritur njerëzimi), por merreni me përhapje paniku? Pse të mos ndërmarrim hapa serioze sot?