Një konflikt me armë ndodhi orët e para të mëngjesit të sotëm në Dhërmi, në një nga lokalet më të frekuentuara të jugut, tek Havana. Gazetari Erion Dushi rrëfen në një postim në rrjetet sociale se pas të shtënave me armë në lokal u krijua kaos dhe njerëzit vraponin për t’i shpëtuar plumbave.
Nga ato që shkruan Dushi, në lokal kishte prindër me foshnja, madje edhe një vajzë shtatzënë. Sipas tij, konflikti nisi për shkaqe banale, sepse i kishin parë të dashurën.
“Isha në një vend, ku nuk pashë frymë uniforme policore e më shumë se kurrë sot e kuptoj sa të rrezikuar jemi para këtyre palaçove kokëdhjamosur që janë gati të shkrepin armën nëse guxon qoftë t’i shohësh të dashurën e shpërfytyruar nga make-upi i rënduar” shkruan gazetari.
“Unë gjendesha një tavolinë larg sherrit që degjeneroi në përdorim arme dhe shihja vetëm njerëz të tmerruar që përpiqeshin të gjenin strehë përfshi dhe mua.
Mu duk vetja sikur isha në luftë ku e vetmja gjë që më shkonte në mendje ishte nëse isha plagosur kund teksa prekja trupin për njolla të mundshme gjaku. ”, shkruan Dushi.
Shënim i plotë:
Dy fjalë për “Havanën”
Unë jam nga ata persona që nuk e frekuentoj jugun prej 2012-ës dhe shumë syresh më kritikojnë pse unë e eksportoj jashtë lekun por me lejoni t’ju them se nga ajo që pashë tek ai lokal dje ku ndodheshin edhe figura të tjera publike, prindër me foshnje, një vajzë shtatzanë e shumë të tjerë jam krenar që nuk kam ardhur më parë.
Unë gjendesha një tavolinë larg sherrit që degjeneroi në përdorim arme dhe shihja vetëm njerëz të tmerruar që përpiqeshin të gjenin strehë përfshi dhe mua.
Mu duk vetja sikur isha në luftë ku e vetmja gjë që më shkonte në mendje ishte nëse isha plagosur kund teksa prekja trupin për njolla të mundshme gjaku.
Mu kujtua filmi “the kingdom” teksa vrapoja rrugicave mes lokaleve dhe terhiqja pas vetes miken time të shokuar që ende dridhej dhe më kërkonte mos të rendnim pas turmës.
Nuk u interesova kush vdiq e kush shpëtoi por gjithë kohën komunikoja me pjesën tjetër të shoqërisë për të mësuar nëse ishin shëndoshë e mirë dhe këshillonim njëri-tjetrin të rrinim fshehur. Lavdi Zotit, të gjithë shpëtuam paq, ndërkohë që në vendngjarje policia mbërriti pas 10 minutash.
Po, unë isha në një fshat turistik shumë të prokllamuar për mirë e keq. Isha mes qindra syresh që si unë kërkonin të shijojin pushimet e mes tyre gjendeshin këta çuna mamash të bukura e baballarësh me lekë, që mburrren para të tjerëve për sasinë e alkolit që kanë përpara në tavolinë, për varëset e orat e shtrenjta, për femrat mjerane që u rrinë nga pas si qeni pas kotheres së bukës.
Isha në një ambjent ku truprojet që nuk të lenë të hysh i pashoqëruar ishin të parët që u larguan nga vendi i ngjarjes e manaxheri nga ana tjetër nuk po gjente ku të fshijej se në nevojtore kishin hyrë mbi 5 persona për m3.
Isha në një vend, ku nuk pashë frymë uniforme policore e më shumë se kurrë sot e kuptoj sa të rrezikuar jemi para këtyre palaçove kokëdhjamosur që janë gati të shkrepin armën nëse guxon qoftë t’i shohësh të dashurën e shpërfytyruar nga make-upi i rënduar.
Po, premtoj që për pushimet e mia do ta injoroj këtë vend të shkuar për dreq nga persona që jetën e kanë gjënë më të lirë e ku rendi e siguria nuk të ofrohen sikurse në vendet e tjera”.
Kti i lumt qe ka folur kaq troc si gazetar e ska ber publicitet sic bejn kto mediat e tjera duke mbuluar ngjarjen!Esht e tmerrshme qe ne nje vend kaq te populluar te mos ket akoma pik sigurie,duket sikur jemi rikthyer mbrapa ne koh,kur dhermiu e jala nuk prekeshin dot nga turistet e thjesh pasi e kishin zaptuar Lacat e laçit,maloket,dhe shperndaresit e kokaines dhe hashashit te LSI-s.Vdekshin ishalla ata qe ne 2018 akoma mbajn arm ne brez per pordh e lajn hesapet idiote ne mes te dynjas duke rrezikuar jeten e te tjerve!Ja u marrt hakun Zoti ktyre njerze se policia dhe shteti jon rri ben sehir ne vend qe ti mbylli ne burg kto horra
Me i ”sigurt-per jeten je ne Siri se ne lokalet e jugut -Vlore ,Sarande ,Dhermi etj.