Sekretariati i Kuvendit ka përfunduar shqyrtimin e votimit të së enjtes së kaluar për projektligjin për shembjen e Teatrit Kombëtar, dhe nga kamerat e Kuvendit ka vendosur që votimi i seancës së kaluar të mos ndryshojë, duke rrëzuar në këtë mënrë kërkesën e PD-së dhe LSI-së.
Pas kërkesës së PD dhe LSI ndaj kreut të Kuvendit, Gramoz Ruci, ku kërkohet anulimi i votimit të ligjit për Teatrin, pasi sipas tyre janë manipuluar votat, është mbledhur sot Sekretariati për Procedurat dhe Votimet për të shqyrtuar kërkesën.
Sekretariati është mbledhur me urdhër të Gramoz Rucit, i cili tha në nisje të seancës së sotme se kërkesën e opozitës të dërguar dy ditë më parë e ka marrë sot. Mësohet se anëtarët që shqyrtuan kërkesën e opozitës janë Adnor Shahmeti dhe Alket Hyseni dhe Enkelejd Alibej.
Burime nga mbledhja bëjnë me dije se karta e votimit e deputetit të pavarur Robert Bitri është zëvendësuar nga dy deputetë të LSI kur ai nuk ishte i pranishëm në seancë.
Lexo më tej nga Lapsi.al:
Votimi i manipuluar për teatrin? Si po mbrohet mazhoranca
Kuvendi zhvillon seancën për Magjistraturën, pse mungon opozita?