Një shqiptar dhe një turk, të dy të shpallur në kërkim, janë kapur në Vlorë.
Për veprat penale respektive, të dy pritet të ekstradohen drejt Italisë dhe Turqsië.
50-vjeçari Shpëtim.A., banues në fshatin Babicë, Vlorë, është dënuar me 3 vite e 6 muaj burg në Itali për veprat penale “Shfrytëzim prostitucioni”, ”Trafikimi narkotikëve” dhe “Pjesëmarrje në grup të strukturuar kriminal”.
Ndërsa Tayfun. D., 35 vjeç, banues në Turqi ishte i shpallur në kërkim ndërkombëtar për veprën penale “Mashtrim me kredi”. Ai është dënuar me 1 vit burg.
Ndërkohë po vijojnë procedurat e mëtejshme për ekstradimin e këtyre dy shtetasve drejt shteteve përkatëse ku janë shpallur në kërkim.