Shërbimi Zjarrfikës në Gjirokastër organizoi një situatë simuluese në rast të rënies së zjarrit në zonën muzeale të qytetit. Trajnimi kryhet në kuadër të programit të UNESCO-s dhe Ministrisë së Kulturës, për të përballuar rastet emergjente nga rënia e zjarrit në objektet që kanë statusin ‘monument kulture’.
Për të demonstruar gatishmërinë e shërbimit zjarrfikës, policisë, por edhe spitalit, ishte zgjedhur që zjarri simulues t’i vihej Muzeut Etnografik, i cili në fakt është ngritur te shtëpia e lindjes së ish-diktatorit Enver Hoxha. Por pas viteve ’90 ky objekt nuk njihet zyrtarisht si shtëpia e diktatorit, për të shmangur në një farë mënyrë provokimin social apo reagimin nga radhët e ish të përndjekurve politikë. Edhe pse duhet thënë që shumica e vizitorëve të tij, sidomos të huajt, shkojnë në këtë objekt pikërisht për shkak se e dinë që është shtëpia e Enver Hoxhës.
Zgjohu Enver tregoju vendin Grekut dhe ketyre pushtetareve tradhetare