Nuk është se Luftëtari është futur në heshtje shtypi, por askush nga gjirokastritët nuk ka asgjë për të thënë. Bluezinjtë përgatiten pa zhurmë per kthimin e një sfide të vendosur që në Letoni me Ventspils, për raundin e parë të Europa League. Ndoshta gjirokastritet nuk kanë shumë për te thënë në një sfidë të vendosur me 5 gola në një pjesë loje në Letoni, që nuk le asnjë fije shprese për përmbysje rezultati.
E para Europiane e bluezinjve nuk shkoi aspak si e shpresonte tekniku Kostic, që duhet të mendojë tani qartësisht për kampionatin. Skuadra e zbritur në fushë nga tekniku u shpartallua shpejt pa bërë rezistencë. Ndoshta ishte gabim, duke mos njohur mirë lojtarët në organikë, por tashmë eleminimi është vetëm cështje zyrtarizimi. Bregu e të tjerët kërkojnë të bëjnë të paktën figurë të mirë të enjten në Elbasan Arena, por në rradhë të parë do të jetë e vështirë nga ana mentale, me 5 golat qe markuan sfiden e parë të gjirokastritëve.
Sigurisht qe kur drejtuesit e Luftëtarit bënë ndryshimin e kursit, te një skuadre që jo vetëm funksiononte, por edhe zbaviste duke bërë futbollin më të bukur në vend, kishin tjetër ide në mendje…