A u vodh në sytë e të gjithë botës një nga medaljet e arta të “Rusi 2018”? Për këtë rast po flitet gjithandej prej 3 ditësh.
Bëhet fjalë për Marion Mayer-Vorfelder, vajza e ish-presidentit të federatës gjermane që qëndronte pas presidentit të FIFA-s, Gianni Infantino dhe presidentit rus, Vladimir Putin.
Ajo u dorëzoi medaljet kroatëve dhe francezëve, por një moment u pa të fuste një medalje në xhep. Gazetat dhe portalet vërshuan me tituj: “A e vodhi një medalje zonja e FIFA-s?”
Pas shumë spekulimeve, FIFA është detyruar që të bëjë një sqarim zyrtar. Sipas FIFA-s, një medalje ishte e tepërt.
Në total shpërndahen 50 medalje për çdo ekip, por ekipit francez i mungonte një anëtar. Medaljen e mbetur ajo e futi në xhep dhe sipas FIFA-s, ajo e dorëzoi atë më vonë. Diçka normale.
https://www.youtube.com/watch?v=DznzVZ81z5M