Ka nisur rreth orës 13:00 të ditës së premte seanca dëgjimore ndaj Xhezair Zaganjorit, kreu i Gjykatës së Lartë. Zaganjori bëhet me dije se ka në pronësi një apartament 293 metra katrorë në bashkëpronësi, me vlerë 5.8 milionë që ka si burim shitjen e një apartamenti; një dyqan me vlerë 1. 4 milionë lekë nga të ardhurat personale dhe të qirasë; zyrë me sipërfaqe 15 metra katrorë, apartament 81 metra katrorë në lagjen 13, në plazhin e Durrësit, blerë në vitin 2006 për 32 mijë dollarë.
Në përfundim të hetimeve ka rezultuar se për apartamentin 293 metra katrorë, Zaganjori ka deklaruar se e ka blerë nga të ardhurat e shitjes se një apartament tjetër.
Por nga ZRVPP është konfirmuar se për këtë pasuri ekzistojnë të dhëna kontradiktore. Konkretisht ka thënë në kontratën e blerjes 500 mijë lekë, por në deklaratën e vetting-ut thotë se ka vlerë 5.8 milionë lekë.
Për dyqanin me sipërfaqe 70 metra katrorë ka deklaruar se e ka blerë për 1.4 milionë lekë me të ardhura nga familja dhe qiratë. Në deklaratën fillestare e ka deklaruar si bibliotekë. Xhezair Zaganjori ka deklaruar bodrum 65 metra katrorë të blerë për 800 mijë lekë, me të ardhura familjare dhe qira. Sipas deklarimeve rezulton se vlera e kësaj pasurie është 500 mijë lekë, bazuar kjo në kontratën e shitjes. Asnjë nga këto pasuri nuk është në përputhje me njëra-tjetrën, si me kontratën e shitblerjes. Për këtë pasuri është paguar sipas vlerës së kontratës dhe jo vlerës reale të pasurisë. Subjekti ka kryer deklarim të pasaktë edhe për këtë pasuri dhe ka shmangie të detyrimeve në buxhetin e shtetit, pasi nuk ka deklaruar vlerën reale të kësaj pasurie.
Subjekti në deklaratën e vetting-ut ka deklaruar 15 metra katrorë si zyrë të blerë me vlerën 500 mijë lekë. Kjo pasuri është deklaruar nga Zaganjori edhe në vitin 2003, me të ardhura nga qiraja e bibliotekës. Nga hetimi është vërejtur se asnjë nga deklaratat për këtë pasuri nuk është në përputhje si për vlerën, ashtu edhe për sipërfaqen. Për këtë pasuri është paguar detyrimi tatimor sipas vlerës së kontratës dhe jo vlerës reale.
Për shkollimin e djalit në Londër, Zaganjori ka deklaruar vetëm pagesën e shkollës gjatë periudhës 2008-2013. Diferenca mes asaj që ka deklaruar dhe shpenzimeve reale në Londër është 12 000 paundë.
Gruaja e Xhezair Zaganjorit ka qenë aksionere në një shoqëri që është mbyllur në vitin 2009, por Zaganjori nuk e ka deklaruar kurrë këtë fakt. Për llogaritë bankare të bashkëshortes, në deklaratën periodike nuk janë deklaruar llogaritë e bashkëshortes prej 1. 2 milionë lekë dhe 578 mijë lekë.
Për llogarinë bankare të vitit 2007, nuk është deklaruar hapja e llogarisë rrjedhëse 747 284 lekë, kishte detyrim ta deklaronte.
Sipas Zaganjorit, burimi i pasurive është nga ndërtimi me kontribut i njerëzve të gruas për ndërtimin e objektit pasi morën tokën dhe aty janë pronarë. Ai thotë se ka deklaruar vlerën fiktive të investimit të bërë sepse realisht, sipas tij, nuk ka patur blerje.
“Dua të jap sqarimet e mia për një keqkuptim. E gjithë fabula është se po merret në konsideratë një kontratë shitblerjeje e vitit 2001 që nuk është gjë tjetër veçse një kontratë formalizuese për një pronë që është ekzistuese për më shumë se 5 vitesh. Bëhet fjalë per një ndërtesë të ndërtuar nga familjarët e bashkëshortes, që vjen si trashëgimi e familjes së saj. Ata janë shpronësuar për një pasuri prej 1800 metrash katrorë. Menjëherë pas ndryshimeve u bë kërkesë për t’u kthyer tokën që kishte ngelur, rreth 250 metra katrorë. Toka u kthye dhe u vendos që të krijohej një njësi shërbimi. U vendos që kontributi të ishte i barabartë, doli leja e ndërtimit për një ndërtesë polifunksionale. Unë në këtë kohë isha në Gjermani dhe ramë dakord që të kontribuonim të gjithë. Në 1997 u ndërtua objekti dhe familjet e shpërngulën në objektin që u ndërtua me kontributin e përbashkët. Në këtë godinë kati i parë është biblotekë dhe kontrata u lidh. Në vitin 2001 është shkuar për të bërë regjistrimin, por ama duhet të kemi parasysh që fitimi i pronësisë ishte bërë që në vitin 1997. U bë veprimi për regjistrim në vitin 2001 dhe këto kontrata nuk janë antiligjore”, sqaroi Zaganjori.
Thuajini këtij krye.arit të gjykatës së larte, pse të gjithë shqiptarëve nuk u është regjistruar kurrë vërtetimi faktit juridik sipas kodit civil dhe vetëm këtij muti ja paskan rregjistruar. Hajduttttttt me çizme.
Ky ballgjeri me sindromen down dje kishte shpenzuar dicka nga kursimet e korrupsionit per te sponsorizuar nje shkrim ne nje gazete dhe disa portale duke na u shitur nga djall ne engjell. Pretendimi se jo eshte verior etj. eshte qesharak se ky zagarinjior eshte pafe dhe paatdhe. Musarai kesaj kategorie te peshtire i thurte vargjet:” Dunjane me mbreter e ndruen keta horra dhe njehere dajakun se leshuen nga dora…”. Jetojme ne kohen e zagarodrejtesise.