• |
ide | kryesore

Lubonja: Çfarë duhet të bëjë PD pas paralajmërimit se do të shembë kullat

Lajme, Të fundit

Paralajmërimin e Lulzim Bashës sot se kullat që do të ndërtohen në truallin publik tek Teatri Kombëtar do të shemben, Fatos Lubonja e sheh si një premtim që duhet të institucionalizohet nga Partia Demokratike.

“E shikoj si një gjë që duhet të institucionalizohet edhe më mirë nga PD. Sepse është gjithmonë ai rreziku, premton 0 ndërtime dhe bën ndërtime. Ndaj mendoj që sigurisht është e rëndësishme si presion, por edhe pa qenë në pushtet, duhet të ndodhë diçka. Masën e sinqeritetit dhe se sa i intereson kjo punë për politikë nuk e masim dot, por ka një ndjenjë që po kalohet çdo lloj kufiri nga kjo maxhorancë. Këtu punohet sistematikisht si t’i kapësh, si t’i shantazhosh, si t’i bësh në nder që t’i kapësh kokën. E shohin njerëzit që Shqipëria është e vogël”, – u shpreh Lubonja në rubrikën “Opinion” në News 24.

Lexo më tej nga Lapsi.al: 

Basha godet fort “Fusha sh.p.k”: Nuk do t’i gëzoni paratë, kullave do t’i vëmë minat! 

Lubonja e quajti skandal të madh ligjin për teatrin duke e quajtur një degjenerim të shoqërisë.

“Ligji për teatrin është një skandal i madh dhe ka shkelje pafund. Partitë në Shqipëri janë kthyer në ndërmarrje fitimi. Është degjenerim i shoqërisë, grabitje e pronës në mënyrë skandaloze. Na premtuan 0 ndërtime në qendër, më ngre kulla në qendër, me densitet 6. Domethënë kur ke 1000 metra, ngre 6 mijë metra”, – u shpreh Lubonja.

3 Comments

  1. Nuk mjafton vetëm fjala e opozitës e fjala e publicistëve si Lubonja për ta ndaluar hovin shkatërues të shtetit ligjor nga Rama.. Ajo që mund t’ja ndalë hovin Ramës, është vetëm veprimi qytetar.
    Njëqind kuksianë shkuan në traun e doganës për të kundërshtuar taksën e Rrugës së kombit, e Rama dridhej e nuk dinte se çfarë të thoshte në Kuvend.
    Pa të mblidhen njëqind mijë qytetarë e të rrethojnë vendin e ri të krimit të Ramës e të shohim se a do t’ja mbajë Xhafë bandillit që të arrestojë demostruesit.

Lini një Përgjigje

Adresa juaj email s’do të bëhet publike.

Kthehu