• |
ide | kryesore

Ndërkombëtarët kundër kalimit të vetingut për kreun e Kushtetueses: Dedja nuk duhet të kishte qëndruar

Lajme, Të fundit

Operacioni Ndërkombëtar i Monitorimit ka dalë kundër vendimit të Komisionit të Pavarur të Kualifikimit për vendimin e dhënë pro kreut të Gjykatës Kushtetuese, Bashkim Dedja.


Ky i fundit është i vetmi gjyqtar i Gjykatës Kushtetuese që kaloi vetingun, duke mbetur i vetëm në këtë institucion, pasi KPK ka rrëzuar të gjithë anëtarët e kësaj gjykate.


Por sipas ONM, edhe Bashkim Dedja nuk duhej të kishte kaluar vettingun.

Për këtë arsye Operacioni Ndërkombëtar i Monitorimit ka kërkuar nga Komisionerët Publikë, animimin e vendimit të Dedjes. Afati i fundit për të paraqitur ankim nga Komisionerët Publikë është data 28 korrik.

Njoftimi i Komisionerëve Publikë: 

Në datë 13.07.2018, Komisioni i Pavarur i Kualifikimit u ka njoftuar Komisionerëve Publikë vendimin nr.24, 13.06.2018 në lidhje me konfirmimin në detyrë të z. Bashkim Dedja, kryetar i Gjykatës Kushtetuese.

Në të njëjtën datë, 13.07.2018, Operacioni Ndërkombëtar i Monitorimit, u ka paraqitur Komisionerëve Publikë rekomandimin për të ankimuar këtë vendim të Komisionit të Pavarur të Kualifikimit në Kolegjin e Posaçëm të Apelimit.

Komisionerët Publikë janë duke shqyrtuar vendimin e Komisionit të Pavarur të Kualifikimit dhe rekomandimin e Operacionit Ndërkombëtar të Monitorimit. Afati i fundit për të paraqitur ankim nga Komisionerët Publikë është data 28.07.2018.


1 Comment

Lini një Përgjigje

Adresa juaj email s’do të bëhet publike.