Zlatan nuk heq dorë kurrë nga të qenit Zlatan. Suedezi karizmatik lëshon batutën që po bën xhiron e botës, duke treguar edhe një herë se është gjithnjë i aftë të tërheqë vëmendjen e publikut me aftësitë e tij komunikative. Në përfundim të ndeshjes së fituar kundër Philadelphia Union, Ibrahimovic ka dhënë spektakël. “Mendoj vetëm të bëj punën time dhe jo të ndryshoj kulturën amerikane të futbollit. Fati i amerikanëve është se nuk erdha këtu 10 vjet më parë, përndryshe do të isha bërë president i Shteteve të Bashkuara të Amerikës”.
Numrat e Ibrahimovic
Zlatan Ibrahimovic me golin e shënuar Philadelphias shkoi në kuotën e 12 golave në 15 ndeshje në MLS. Numra “normalë” për një si ai, por jo për moshën e tij (3/10/1981). Fenomen absolut në fushë e, duke gjykuar nga suksesi mediatik i intervistës së tij të fundit, edhe jashtë saj.
Zlatan being Zlatan. pic.twitter.com/isiJyBf496
— LA Galaxy (@LAGalaxy) July 22, 2018