Periudha e errët e Loris Karius nuk ka fund. Pas gabimeve skandaloze në finalen e Champions League kundër Real Madrid, zyrtarisht të justifikuara nga një traumë cerebrale, portieri gjerman ishte protagonist edhe një herë negativ në International Champions Cup. Në ndeshjen e Liverpool kundër Borussia Dortmund, Karius u evidentua nga një rivënie e gabuar përpara se të kryente gafën finale që i lejoi gjermanët të shënonin golin e 3-1. Goditja e Pulisic me të majtën ishte shumë e thjeshtë, por portieri e devijon keq duke lejuar Larsen të shënojë me portën bosh.
Menjëherë pas ndeshjes në Bank of America Stadium të Charlotte, Karius ka shpërthyer në rrjetet sociale me fjalë të ashpra: “Për të gjithë ata që gëzohen kur shohin të tjerët që dështojnë ose vuajnë, ndjej mëshirë – ka shkruar në Instagram 25 vjecari -. Cfarëdo të ketë ndodhur që ju ka bërë të grumbulloni kaq shumë urrejtje e dashakeqësi, unë lutem që të mund ta kaloni dhe t’iu ndodhin gjëra të bukura”.
Watch Karius Solidify his legacy yesterday at a Liverpool game vs Dortmund.
Karius is really THE BEST at what he does ?? pic.twitter.com/Lae6GNba9a
— Fan Antics (@FanAnticsFC) July 23, 2018