• |
ide | kryesore

Gjyqtari Trezhnjeva largohet përfundimisht nga sistemi i drejtësisë

Lajme, Të fundit

Gjyqtari i Durrësit, Besim Trezhnjeva, është shkarkuar përfundimisht nga sistemi i drejtësisë pas vendimit të sotëm të Komisionit të Posaçëm të Apelimit.

Sipas një njoftimi nga KPA thuhet se për Trezhnjevën ka mbetur në fuqi vendimi i Komisionit të Pavarur të Kualifikimit.


Njoftimi i plotë: 

Trupa gjykuese e Kolegjit të Posaçëm të Apelimit, kryesuar nga Ardian Hajdari, relator Luan Daci dhe anëtarë Ina Rama, Rezarta Schuetz, Sokol Çomo, sot, më datë 26.07.2018, ora 10:00, në dhomë këshillimi, bazuar në nenin 66/1 gërma “a” të ligjit 84/2016 “Për rivlerësimin kalimtar të gjyqtarëve dhe prokurorëve në Republikën e Shqipërisë”, vendosi:

Lënien në fuqi të vendimit N14 datë 13.04.2018, të Komisionit të Pavarur të Kualifikimit që i përket subjektit të rivlerësimit z. Besim Trezhnjeva. Ky vendim është përfundimtar, i formës se prerë dhe hyn në fuqi menjëherë. Kundër këtij vendimi lejohet ankim në Gjykatën Evropiane të të Drejtave të Njeriut.

U shpall sot, në Tiranë më datë 26.07.2018.

Lini një Përgjigje

Adresa juaj email s’do të bëhet publike.

Kthehu