Kontroll, sombrero e goditje në kryqëzimin e trarëve, pa e lënë topin të bjerë në tokë. Është një gol i jashtëzakonshëm, nga rreth 30 metra distancë, që përfundon në rrjetë pavarësisht tentativës së portierit për ta shmangur. Ai që e shënoi është Mario Enrique Ricardo, futbollist i Cristobal Colón, në ndeshjen e parë të Kupës së Paraguajit. “Vetëm e ngrita topin në ajër, duke e drejtuar në portën kundërshtare me të jashtmen e këmbës”, e bën të thjeshtë realizimin numri 10.
E megjithatë, Mario Enrique Ricardo nuk është një futbollist normal. Një fëmijëri e vështirë, e bërë me sakrifica e më pas ai aksident automobilistik që i humbi shikimin në syrin e majtë dhe shpresën nga një ëndërr që rrezikoi të mbetej në sirtar. Por ai nuk donte të hiqte dorë nga të qenit futbollist e sot mban në krahë shiritin e kapitenit të Cristóbal Colon (divizioni i tretë i Paraguajit), pavarësisht se zemra e tij rreh për Cerro Porteño, pikërisht skuadrës që i shënoi golin më të bukur në karrierë.
Vështirë të harrohet ky moment për një si ai, që kur nuk është në fushë, ndihmon të ëmën duke trasportuar perime në tregun e Julián Augusto Saldívar, vend ku jeton familja e tij. Do të jetë e vështirë sepse emri i tij është në gojën e të gjithëve dhe goli i tij bëri xhiron e botës, duke e bërë një kandidat të fortë për Cmimin Puskás, që Fifa e dorëzon për golin më të bukur të vitit.
EL REBELDE DE LA COPA
Ya tenemos la primera joyita de la #CopaParaguay. A Mario Ricardo, del #CristóbalColón, le importó muy poco que sea #Cerro el rival de turno y se animó a anotar semejante golazo. Mirá ⬇ pic.twitter.com/AmuKsYCHYi— Tigo Sports (@TigoSportsPY) July 25, 2018
DEL SUEÑO A LA REALIDAD
Pese al triunfo de #Cerro, Mario Ricardo se robó la atención y los aplausos de todos con el golazo que hizo y su juego en sí, defendiendo la camiseta del humilde #CristóbalColón. Mirá su historia acá ➡ https://t.co/Ty9Q3EDmpD pic.twitter.com/vtC2EvhRsf— Tigo Sports (@TigoSportsPY) July 25, 2018