• |
ide | kryesore

500 euro copa, prangoset shtetasi shqiptaro-maqedonas, do shiste armë në Elbasan

Lajme, Të fundit



Një shqiptaro-maqedonas është arrestuar nga efektivët e policisë pranë fshatit Urakë, në Prrenjas, pasi në bazë të informacioneve të siguruara nga blutë gjatë kontrollit në makinë atij i janë gjetur 2 armë zjarri të cilat dyshohet se do t’i shiste në Elbasan.

32-vjeçari Ylber Suma, lindur në Shkup e banues në Kosovë u arrestua pasi gjatë kontrollit në automjetin tip “Alfa Romeo” me targa SK3771AD, të cilin e drejtonte vetë, policia gjeti dhe sekuestroi në cilësinë e provës materiale: 2 armë zjarri tip pistoletë dy krehëra, dhe 5 fishekë.

Sipas informacioneve që zotëronte policia këto armë zjarri bashkë me municionet përkatëse, 32-vjeçari i kishte futur në mënyrë të kundraligjshme nga Maqedonia, me qëllim për t’i shitur ato më pas në qytetin e Elbasanit, kundrejt vlerës 500 Euro copa.



Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *