Një përplasje me armë ka ndodhur në qendër të Korçës, përpara baskisë së këtij qyteti. Nga burime në vendin e ngjarjes mësohet se dy perona janë konfliktuar me njëri-tjetrin.
Sipas informacioneve paraprake mësohet se nga ngjarja që ka ndodhur pasditen e së shtunës ka mbetur i plagosur një 38-vjeçar i identifikuar si Erjon Hoxhallari. I plagosuri është dërguar me urgjencë në spital dhe ndodhet në gjendje jashtë rrezikut për jetën. Polica ka shkuar në vendngjarje dhe pak minuta pas saj njoftoi arrestimin e autorit të plagosjes.
Policia sekuestroi armën e zjarrit tip pistoletë në vendin e ngjarjes dhe shoqëroi në Komisariat disa persona dhe midis tyre edhe autorin e dyshuar. Policia thotë se po vijojnë hetimet për zbardhjen e rrethanave të ngjarjes, identifikimin dhe kapjen e personave të tjerë të përfshirë në të. ©LAPSI.al