Alvaro Morata ndoshta nuk njeh të ardhmen në futboll, por në jetë sapo ka shënuar dygolëshin më të bukur. Sulmuesi i Chelsea është bërë baba i dy binjakëve. Në spitalin “Angelo di Mestre” e shoqja Alice Campello ka lindur Alessandro e Leonardo. “Dita arriti… 29 korrik 2018, një ditë që nuk do ta harroj kurrë – shkruan Morata në postim në Instagram – Pritja ishte shumë e gjatë… Nuk kam fjalë për të të falenderuar Alice, faleminderit që më bëre dhuratën më të bukur e më të pabesueshme në botë”.
“Cdo ditë që kur të njoj, falenderoj Zotin që të vendosi në rrugën time. Në këto muaj ke luftuar fort, nuk mund vec të jem krenar për ty; netë në spital, ditë kur ishe e dehidratuar, ditë të tëra në krevar pa mundur të lëvizje… por në fund dita mbërriti dhe ia vlejti. Mirëserdhët në botë Alessandro e Leonardo. Kërkoj vetëm të kenë shëndet e që të jenë të lumtur me dashurinë që thithet në shtëpinë tonë, në familjen tonë. Në fund dua të falenderoj mjekët, që na ndihmuan në këto muaj të vështirë, e mbi të gjithë ata persona që punojnë në spitalin Angelo për xhentilesën e sensibilitetin e tyre”.