Partia Demokratike shprehu ngushëllimet e saj për ndarjen nga jeta të ish-ministrit të Mbrojtjes, Luan Hajdaraga.
‘Hajdaraga ishte një kontribuues i jetës politike pluraliste në Shqipëri dhe luajti një rol të rëndësishëm në formësimin e një të majte shqiptare, që mbështeste alternativën euroatlantiste’, thuhet në mesazhin e PD.
Sipas mesazhit të saj, Partia Demokratike humbi një kundërshtar të denjë politik, ndërsa Partia Socialiste një nga idhtarët e europianizimit të saj.
Mesazh i PD për vdekjen e Luan Hajdaragës:
Partia Demokratike shpreh ngushëllimet e saj më të thella për ndarjen nga jeta të Luan Hajdaragës, protagonist i zhvillimeve të së majtës shqiptare gjatë 28 viteve të fundit.
Hajdaraga ishte një kontribuues i jetës politike pluraliste në Shqipëri dhe luajti një rol të rëndësishëm në formësimin e një të majte shqiptare, që mbështeste alternativën euroatlantiste.
Si nënkryetar i PS dhe më pas si Ministër i Mbrojtjes apo zëvendësministër i jashtëm, Profesori i njohur i psikologjisë dha kontribut në normalizimin e jetës politike në vend, në zbatimin e një diplomacie pa ndikime partiake dhe mori pjesë aktive në aksionin mbarëkombëtar për zgjidhjen e krizës së të shpërngulurve shqiptarë të Kosovës.
Me ndarjen e tij nga jeta, familja humbi njeriun e saj më të shtrenjtë, Partia Socialiste njërin nga ithtarët e evropianizimit të saj, kurse Partia Demokratike një kundërshtar të denjë politik.
Nje ngushellim i tipit Ilir Meta me sheqer dhe helm brenda , diverisoni ndihet ne cdo fjale
Keta ke pd jane dhe te paftyre saliu dhe te tjere aty nuk kane lene gje pa thene per hajdaragen,vete deklarata tregon reflektim.