Vendet që deri para pak ditësh farfurinin nga ngjyrat e ndezura të shfaqjeve të Teatrit Eksperimental “Kujtim Spahivogli”, sot ngjajnë si sy të shuar. Drejtori i këtij institucioni e ka pasur gjithnjë me merak publicitetin dhe përpiqej që çdo shfaqje ta reklamonte bukur, me postera të shndritshëm. Sot, ato nuk janë më. I kanë hequr dhe pas tyre kanë mbetur vragat e një muri të palyer. Për ata që e njohin mirë oborrin e Teatrit Kombëtar dhe që këto ditë kanë rezistuar aty, nuk ka qenë e vështirë të dallojnë se aty mungojnë stolat.
Ata stolat e drunjtë që gjendeshin aty kahmoti, poshtë pemëve të oborrit, pranë pishinës, pranë dyerve anësore të godinës, etj., ku uleshin jo vetëm artistët që punonin në dy teatrot, atë Kombëtar dhe atë Eksperimental. Të gjitha këto kanë ndodhur pa zhurmë, pa bujë… Duket si një tërheqje e ngadaltë. Me sa duket, zhvendosja është përfundimtare, po ashtu edhe boshatisja, edhe braktisja, që i hap udhë vendimit për shembjen e godinës së TK-së. Regjisori Kastriot Çipi, përmes disa fotografish ka dokumentuar atë çfarë po ndodh në hapësirat e Teatrit Kombëtar. Të gjithë i druheshin gushtit, e me sa duket, gushti erdhi…
“Filloi me heqjen e tabelës ndriçuese ‘Eja në teatër’. Pastaj natën u hoqën posterët e shfaqjeve nga fasada e Teatrit Eksperimental në rrugën këmbësore. Dhe po natën, të njëjtët punëtorë të bashkisë, hoqën një duzinë stola nga sheshi i Teatrit. Këto veprime, në vend që të dekurajojnë qytetarët që vijnë çdo mbrëmje në protestë, na bëjnë të gjithëve të shtrojmë pyetjen: A nuk tregojnë këto shenja se procesi i ‘negocimit’ me ‘Fusha ShPK’ do të jetë thjesht një farsë?”, – shkruan regjisori Çipi.
Urdhri për zhvendosjen e TK-së pranë Qendrës së re Kulturore “Turbina” është dërguar me kohë në tryezën e drejtorit të TK-së, madje më herët se vetë aktorët të shqetësohen dhe të fillojë lëvizja qytetare për të mbrojtur ndërtesën 80- vjeçare të Teatrit Kombëtar, dikur Rrethi Italo-Shqiptar “Skanderbeg”, i ndërtuar me iniciativën e Mbretit Zog dhe i përfunduar gjatë periudhës së pushtimit fashist.
Pas përfundimit dhe përurimit të “Turbinës”, ku Kryeministri Edi Rama përsëriti edhe një herë se godina aktuale e TK-së do të shembet për t’i hapur udhë ndërtimit të një teatri të ri, zhvendosja është fakt i kryer. Në konferencën e fundit për shtyp, drejtori i TKEKS, Kiço Londo, u shpreh se nuk kishte asnjë urdhër me shkrim për t’u zhvendosur te “Turbina”, madje as i kishte parë ndonjëherë ambientet e saj, por ama theksoi se, “duke qenë institucion varësie i Ministrisë së Kulturës, do të veprojë si i tillë”
Pra, nëse Ministria urdhëron zhvendosjen, Teatri Eksperimental “Kujtim Spahivogli”, që shumë e quajnë edhe “Teatri i Kiços”, meqë Londo e ka pasion ndërtimin e sallave të reja, do të zhvendoset te “Turbina”. Që prej përurimit të “Turbinës”, e deri më sot, nuk kemi dëgjuar asnjë aktivitet teatror të zhvillohet në këto hapësira, përveç se ekspozita studentësh dhe koncerte të TKOBAP.
Nga ana tjetër, në oborrin e TK-së vazhdon protesta qytetare. Krahas deklaratave të përsëritura, protesta po mbahet gjallë edhe përmes performancash e dokumentarësh. Këtyre ditëve është shfaqur një dokumentar për gjyqet komuniste të zhvilluara në ambientet e TK-së, për regjisorin Kujtim Spahivogli, si dhe për protestën për parkun e Liqenit. Përpos artistëve dhe qytetarëve qëndrestarë, prej ditës së parë deri më sot, protestës i janë bashkuar personalitete të publicistikës, arkitekturës, etj., si Maks Velo e Fatos Lubonja, që kanë ndarë edhe përvojat e tyre të mbijetesës./ Panorama
Ligji per teatrin u kthye nga presidenti per rishqyrtim, por Maliqi paska filluar punen tashme. E dime te gjithe qe eshte nje parlament i leshte por te pakten beni sikur e respektoni.
po tani ky lajmi amrikaneve qe kerkon zyra ne shqiperi sikur po e sqaron pak kete punen e Theatrit ,,,,,,,, koincidenca don qe te jene ne pikat e duhuar soristat 99
O Vuoi
Shikoni flini aty se jua moren.
Metoda e vjeter qe e kane trasheguar keta skuthet e rinj, qe te vrasin naten, e te qajne diten. Po mire qe e bejne kete veprim, por aka zbatim ligji nga keta? sepse ligjin per prishjen e theatros e ka anulluar presidenti, e si ka mundesi qe keta baterdises se prones shteterore e boshatisin qe ta kene gati per buldozeret e firmes se qeverise. Keta jane qe na flasin per ligje, por jane keta qe i shkelin, dhe i bejne per qefet e tyre mafioze. Te na rroje pushtuesi i brendeshem i rilindjes se varferimit.