Një aksident i rëndë ka ndodhur këtë të martë pranë rrethrrotullimit të Saukut në Tiranë. Një automjet ka dalë nga rruga e për pasojë të impaktit njëri nga pasagjerët ka humbur jetën. Mjeti i tipit Benz po drejtohej nga një 28 vjeçar i identifikuar nga policia me inicialet L.D.
Humbja e kontrollit të makinës ka bërë që mjeti të dalë nga rruga, ku njëri prej 3 pasagjerëve, 28 vjeçari me inicialet E.P të gjejë vdekjen.
“Më datë 07.08.2018, tek rrethrrotullimi i “Saukut”, shtetasi L. D. vjeç 28, banues në Tiranë, duke drejtuar mjetin tip “Benz”, ka dalë jashtë rruge ku për pasojë janë dëmtuar drejtuesi i mjetit, shtetasi L. D. dhe pasagjerja, shtetasia D. Xh. vjeçe 23 banuese në Tiranë, të cilët ndodhen në spital, nën kujdesin e mjekëve.
“Pasagjeri tjetër shtetasi E. P., vjeç 28, banues në Tiranë, ka ndërruar jetë, në spital. Punohet për sqarimin e plotë të rrethanave të ngjarjes,” njofton policia.