Merkato angleze është drejt mbylljes (të enjten në orën 18), por Manchester United nuk lejon të ketë surpriza në fund, ndaj dhe ka bërë lëvizjen e tij duke blinduar përfundimisht Paul Pogba. Nuk do të ketë asnjë shitje të jashtëzaskonshme të minutës së fundit tek Barcellona. Sipas asaj që bën të ditur e përditshmja katalanase Sport, United e konsideron të pashitshëm francezin, me José Mourinho që ka refuzuar të negociaojë të gjithë opsionet e transferimit të mesfushorit.
Klubi katalanas e konsideron tashmë të dështuar tratativën, edhe pse mban hapur një fije shprese deri të enjten. Menaxheri i lojtarit, Mino Raiola, tregon për ‘Sport’, se ishte ai që u përpoq ta bindte United të shiste Pogba tek Barca, duke qenë se ishte edhe dëshira e francezit të kthehej të luante në mesfushë me Vidal, si në kohët e Juventus. E pavarësisht kontradiktave të menduara me teknikun portugez, vetë Mourinho ka vënë veton kundër shitjes së Pogba, duke e konsideruar qendrën e projektit të tij, “që është gjithashtu edhe e njëjta gjë që kërkonte Valverde – shkruan ‘Sport’ – ti japë celësat e mesfushës katalanase”.
Të hënën Mino Raiola ishte në Manchester për ti prezantuar United ofertën e Barcellonës: 45 milionë euro plùs kartonat e Yerry Mina e André Gomes, për një vlerësim total prej 112 milionë euro. Propozim i rëndësishëm por që nuk mjaftoi për të blerë Pogba.