Gjykata e Vlorës dha masën e arrestit në burg për 24 vjecarin Ridvan Zykaj, autor i masakrës së në fshatin Resulaj, ku mbetën të vrarë 8 persona. Seanca gjyqësore u zhvillua me dyer të mbyllura, ku të pranishëm ishin gjyqtarja Esmeralda Habilaj, prokurori i çështjes Saimir Smaka si edhe Renato Mehmetaj, avokat i caktuar kryesisht nga shteti, pasi asnjë avokat nuk pranoi të marrë përsipër dosjen në ngarkim të tij.
Mbi 24 vjeçarin rëndon akuza ‘Vrasje në rrethana cilësuese, ndaj dy ose më shumë personave’, parashikuar nga neni 79/dh i Kodit Penal, si edhe armembajtje pa leje. Seanca gjyqësore në ngarkim të tij u zhvillua nën masa të rrepta sigurie, forca të shumta të policisë kishin rrethuar gjykatën e Vlorës.
Asnjë prej familjarëve të 24 vjecarit, i konsideruar si monstra e fshatit, nuk ishte i pranishëm në procesin gjyqësor. Ndërsa familja e tij mësohet se ka braktisur fshatin pas tragjedisë.
Ridvan Zykaj, u arrestua mëngjesin e të shtunës, në një aksion të FNSH, Policisë e RENEA-s. 24 vjecari nuk shfaqi pendësë për masakrën, ndërsa ironizoi me policiët duke u thënë se u vonuan shumë për ta arrestuar.
Kujtojmë se para prangosjes, autori i masakrës komentoi edhe në rrjetet sociale. Ndërkohë sot, në sallën e gjyqit ai ka qëndruar i heshtur, nuk ka thënë asnjë fjalë. Gazetarët e kanë pyetur monstrën e fshatit Resulaj, se përse e kreu krimin, përse vrau fëmijët, por 24 vjecari nuk ka pranuar të flasë, ka qëndruar në heshtje duke i parë.
Cfare lajmi. Pse ku mund te rrije ky monster e ndyre. A ka vend tjeter. V
Cfare lajmi. Pse ku mund te rrije ky monster e ndyre. A ka vend tjeter. Vetem shtate pash nen dhe.