Lennox Lewis më në fund i ka garantuar Vitali Klitschkos një “rematch” të pritur nga ukrainasi për një kohë të gjatë, vetëm se jo në arenën e boksit. Ish-kampioni i peshave të rënda e kontestoi vendimin e një beteje të përgjakshme në 2003, me ukrainasin të dorëzuar pas 6 raundesh nga një carje e thellë në fytyrë.
Kampioni nga Kiev ishte përpara me pikë në të tre listat e arbitrave të ndeshjes ndaj është ende e paqartë pse Lewis u tërhoq pas kësaj beteje, duke i mohuar mundësinë e hakmarrjes Klitschkos.
Por dyshja do të ndeshet përsëri për WBC, vetëm se në një ndeshje shahu ku do të përcaktohet kush është mbreti i mbretërve. “Do të luajmë një ndeshje shahu në vend të një ndeshje boksi. Jemi shumë të vjetër tani që të vendosim sërisht dorezat. Do të ishte interesante për ne të vendosnim mendjet tonë kundër dhe jo grushtet”, deklaroi Lewis.