Në Manchester ka një cështje dhe sa vjen e po bëhet më e madhe. Konflikti mes Paul Pogba dhe teknikut Jose Mourinho po rrezikon të jetë fatal për njërin nga të dy. Pogba ndihet i burgosur i Manchester United, Mourinho është i lodhur nga ankimet e mesfushorit francez. The Sun, duke cituar një burim në dhomat e zhveshjes së Djajve të Kuq, ka publikuar një debat të fortë mes të dyve, në lidhje me fjalët e thëna nga ish-juventini pas ndeshjes me Leicester (“Këtu nuk jam i lumtur por nuk flas më shumë, përndryshe gjobitem”).
“Nëse do përsëri të largohesh nga Manchester – i ka thënë Mourinho mesfushorit – duhet vetëm të më kërkosh të të lë të ikësh. E nëse ke ndonjë problem, flit me mua ballë për ballë e jo me median”. E menjëherëshme dhe therëse, gjithnjë sipas tabloidit londinez, përgjigja e Pogba: “Nëse do të më flasësh, thërrit menaxherin tim”.
Pogba ndihet në fakt i burgosuri i Manchester United, edhe më shumë tani që në Angli u mbyll merkato. Mundësia teorike për tu larguar nga Djajtë e Kuq e për tu transferuar në Spanjë është (merkato spanjolle është e hapur deri në 31 gusht) dhe mesfushori kërkon transferimin tek Barcelona. Sipas Daily Mail, francezi ka gjetur edhe akordin për një kontratë 5 vjecare prej më shumë se 20 milionë euro në sezon, por vështirë se operacioni mund të konkludohet duke qenë se United nuk mund të kthehet në merkato përpara dimrit.