Më shumë se 90 mijë persona kanë asistuar në koncertin e Ed Sheeran në stadiumin “Rose Bowl” të Pasadenas e mes tyre ishte edhe Zlatan Ibrahimovic. Sulmuesi i Los Angeles Galaxy ka përfituar nga dita e lirë në dispozicion për të qenë prezent në spektaklin e artistit anglez. Ish-futbollisti i Paris Saint-Germain e Manchester United i ka dhuruar fanellën e tij me një personalizim për këngëtarin anglez: “Kur gjeniu Ed Sheeran takoi më në fund Zotin. Faleminderit për koncertin e paharruar në Rose Bowl”.
Dhuratë mjaft e vlerësuar nga Ed Sheeran që e veshi menjëherë përpara fansave të tij në Los Angeles.