Ndalohet në Kakavijë shqiptari me mijëra euro, dogana greke i bllokon paratë

Një shqiptar që po udhëtonte nga Greqia drejt Shqipërisë me një shumë të madhe parash është bllokuar nga autoritetet greke në doganën e Kakavijës.

Shqiptari kishte me vete 14 mijë euro, të cilat nuk i kishte deklaruar tek organet doganore sipas ligjit.

Doganierët grekë sekuestruan 25% të shumës së parave, sikurse e parashikon ligji. Tvklan shkruan se kushdo që kalon kufirin dhe ka të paktën 10 mijë Euro, shumën e parave duhet ta deklarojë tek autoritetet doganore përkatëse.