Po bën xhiron e web video e sulmuesit të Belenenses, në momentin e 11 metërshit të shndërruar në gol përballë Casillas. Pesë sekonda vrap dhe 20 hapa të vegjël përpara se të godiste penalltinë kundër një eksperti si Iker Casillas. Gjithcka ndodhi në Portugali e protagonist është Fredy, sulmues i Belenenses, që kërkoi të imitonte 11 metërshin e pafat të Simone Zaza kundër Gjermanisë në Europianin e fundit, por u tregua shumë më i zot se italiani. Në Francë Neuer arriti të hipnotizonte sulmuesin e Torinos, por i shkoi shumë më mirë sulmuesit nga Angola që shënoi pavarësisht baletit interesant. Video me protagonist Fredy po bën xhiron e web por shumë po ironizojnë hapat e pafund të sulmuesit para goditjes. Ndeshja mes Belenenses e Portos u mbyll 2-3: decizive penalltia e shënuar në të 96’ nga Alex Telles.
Casillas y yo tenemos la misma táctica para parar penaltis
55', Os Belenenses 1-2 FC Portopic.twitter.com/7aUKvADEj2— Besuguin (@MesutOzZZzil) August 19, 2018