Kompania e fluturimeve ‘British Airways’ ka bërë të ditur se do t’i pezullojë fluturimet e drejtpërdrejta në kryeqytetin e Iranit, Teheran, sepse sipas saj kjo linjë është “jo e qëndrueshme”.
Njoftimi u bë i ditur pas vendimit të Presidentit amerikan Donald Trump, për tërheqjen e SHBA-së nga marrëveshja bërthamore e Iranit që përfshin Rusinë, Kinën, Gjermaninë, Francën dhe Britaninë e Madhe, shkruan rel.
Sipas ‘British Airways’, fluturimi i fundit në Teheran është planifikuar për më 22 Shtator. Britania është ndër vendet evropiane që kanë njoftuar se do t’i mbrojë kompanitë që vazhdojnë të veprojnë në Iran, por pas vendimi të Presidentit amerikan Trump, shumë kompani janë tërhequr.