Një 58-vjeçar në qytetin e Vlorës u arrestua pasi u kap me armë në banesë.
Sipas njoftimit të policisë, në pranga u vendos Qamil Selamaj, banues në fshatin Golimbas të Selenicës.
Ndalimi i tij u bë pasi gjatë kontrollit që iu ushtrua në banesë, shërbimet e policisë gjetën dhe sekuestruan 2 armë zjarri dhe municone me fishekë, konkretish:
– Pushkë gjysmë automatike model 56,
– Pushkë automatike model 63,
– 45 copë fishekë të kalibrit 7.62 mm.
Materialet u referuan në Prokurori për veprën penale “Mbajtja pa leje dhe prodhimi i armëve, armëve shpërthyese dhe municioneve”.