Pamja prej djali të mirë dhe arritja në karrierë me transferimin nga Racing Avellaneda tek Inter, ishin detaje të pamjaftueshme që Lautaro Martinez të hynte në zemrën e Jaqueline Grisolia, një nga protagonistet e programit argjentinas Combate: “Nëse ka patir një lojtar që më ka ftuar për të dalë? Po, Lautaro Martinez më ka kërkuar disa herë por nuk i dhashë mundësinë. Nëse gjërat duhet të ndodhin, ndodhin në një kohë të caktuar. Tani jam e përqendruar tek karriera artistike. Dashuria do të vijë, nuk duhet nxituar”.
Modelja në fakt ka lënë një mundësi për sulmuesin e Inter, përmes shpjegimit se përsë e refuzoi: “Nuk po kaloja një moment të mirë dhe isha përqendruar tek puna. Ndonjëherë nuk mund ti bësh të gjitha në të njëjtën kohë. Nëse më do do të insistojë“, përfundon Grisolia që me fotot në Instagram inkurajon Lautaro të mos heqë dorë.