Kryeministri i Kosovës, Ramush Haradinaj, tha se takimi me ambasadorin Greg Delawie ishte i rregullt, por dhënia e mirënjohjes për diplomatin amerikan ishte arsyeja pse vizita u bë mediale.
Ai tha se SHBA mirëpret një marrëveshje Kosovë-Serbi me njohje të Kosovës.
Sipas shefit të ekzekutivit, të gjithë bashkë duhet të bien dakord që duhet të ndodhë dialogu dhe të arrihet marrëveshje, por siç tha ai kjo marrëveshje nuk guxon të përfshijë lëvizje të kufijve.