• |
ide | kryesore

Tenderat, Flamur Noka: Miku i Ramës, Agron Papuli mori 1.8 mln euro në korrik

Lajme, Të fundit

Partia Demokratike ka vijuar edhe sot denoncimet me tendera, që sipas saj persona të afërta me Ramën favorizohen nga qeveria. Në një dalje për mediat nga selia blu, deputeti demokrat Flamur Noka tha se kompanisë së mikut të Ramës, Agron Papuli, në muajin korrik të këtij viti i është dhënë tenderi e rradhës. Sipas Nokës bëhet fjalë për një tender me objekt “qira operacionale automjetesh nga Policia e Shtetit me vlerë, 1.8 milion euro.

Deklarata e Flamur Nokës


Edi Rama, po tregon çdo ditë se qëllimi i pushtetit të tij nuk ka qenë dhe nuk është qeverisja e shqiptarëve, por vjedhja dhe pasurimi i tij dhe i oborrtarëve të tij.

PD denoncoi një ditë më parë provën e dokumentuar se si qeveria e Edi Ramës, i ka dhënë baxhanakut të tij Armand Frangu, 41 tendera me vlerë 15.6 milion euro.

Ky nuk është rasti i fundit.

Sot, po bazuar në dokumente zyrtare, po denoncojmë faktin se si Edi Rama vijon të favorizojë një ndër binzesmenët e afërt të tij, duke i dhënë miliona euro nga buxheti i shtetit, me gjithë denoncimet e shpeshta publike.

Kompanisë së mikut të Ramës, Agron Papuli, siç provohet edhe në dokumentet zyrtare nga Agjencia e Prokurimit Publik në muajin korrik të këtij viti i është dhënë tenderi e rradhës. Bëhet fjalë për një tender me objekt “qira operacionale automjetesh nga Policia e Shtetit, 1.8 milion euro.

Marrja me qera e makinave është korrupsion i pastër për të pasuruar financuesin e Edi Ramës, kjo sepse harxhohen miliona euro për makina me qera dhe makinat nuk i mbeten policisë, por i rikthehen përsëri mikut të Ramës. Kostoja e marrjes me qera të makinave është më e madhe sesa blerja e tyre.

Favorizimi me tendera muk ndalet vetem me makinat e policisë. Në dy vitet e fundit, nga kompania shtetërore OSHEE, kompanitë e preferuara të Ramës, në pronësi të Agron Papulit kanë përfituar 6 tendera, me vlerë 4.3 milion euro.

Ky është një korrupsion i paracaktuar dhe një akt korruptiv kriminal, pasi të gjitha specifikat e tenderave për makinat në qeverisjen e Edi Ramës janë përcaktuar nga vetë Agron Papuli duke pamundësuar garën për të tjerët.  

Janë 127 tendera që i janë dhënë mikut të kryeministrit, Agron Papuli, që prej ditës që qeveris Edi Rama. Duke bërë një llogari të thjeshtë, rezulton se nga buxheti i shtetit për mikun e kryeministrit Agron Papuli, janë dhënë 17.3 milion euro.  

1.8 milionë eurot e përfituara në korrik të këtij viti janë kësti i fundit i një politike arrogante të kryeministrit, i cili buxhetin e shtetit e shpërndan ekskluzivisht për familjen e tij, baxhanakun, miqtë e deputetëve të partisë si dhe për oligarkët që pastrojnë paratë dhe paguajnë tarifën tek kryeministri.

Por zullumi i kësaj qeverie s’ndalet së trashuri, prandaj klika e baxhanakëve, e miqve të gruas dhe e grave të miqve s’mund të mbijetojë gjatë.

Shqiptarët nuk do të lejojnë që Edi Ramës t’i jepet shansi ta privatizojë edhe buxhetin e vitit të ardhshëm. 

6 Comments

  1. Doli muli pas pushimeve ne greqi,po ky llosh para ca viteve sulmonte bamir topin per kete papulin me te njejtat shifra dhe me date tjeter.

  2. Per komentuesit,,,,,a shikoni kete debil, servil, e kulish rilindje,,,, ja komenti i tije qe e verteto se eshte qorr, makut i sulmeve boshe e kuqal rilindas. Aty po tregohen me shifra, faktetere qe sa para tenderash ka mare miku i psikopatit, qe i a ka dhene ky,, ndersa ti ben analogjine e diskutimit me TOPIN. Per TOPIN dihen lidjet e tij me PAPULIN, sepse e ka krushk, po ti Bert fundrina je skoria e tepsise se kryetarit tend.

  3. Sa per dijenine e lexuesve, Papuli ka marre shume tendera qe kane te bejne me pikat ‘ nevralgjike’ , shume te rendesishme te ekonomise , mbrojtjes dhe sigurise kombetare.

    Papuli dhe disa ‘ oligarke’ te tjere jane syri dhe veshi i shishit ne ekonomine tone.
    Le te na e thoe Muli sa sa tendera ka marre Papuli ne kohen e Berishes . Dhe shume mire ka bere . Ne cdo vend sigurimi kontrollon gjithshka me njerzit e tij dhe investimet ne keto sektore strategjike padyshim qe do ti marrin keta persona. Nese Rama nuk do ta bente kete do te perfundonte si ( i ndjeri ) Santo.

    Une nuk shoh asgje te keqe ketu. Eshte shume normale.
    Imagjinoni nje tender per nje kjoske per gazetashites perpara kryeministrise . Konkurojne 2 pleq. Njeri ish oficer dhe punonjes i Shishit dhe tjetri nje plak i ndershem dhe nevojtar. Kush do ta marri tenderin ? Natyrisht personi i SHishit. Thjesht vendi ( perpara kryeministrise) e percakton kete zgjedhje.
    Ketij plakut te ndershem ( nese ka mik dhe nese jep para ) mund ti japin nje kjoske andej nga liqeni.

  4. Edhe kur te vije PDja ne pushtet , prap Papuli do ti marri tenderat qe kane te bejne me makinat dhe materjalet ( sekrete) te gardes, policise, shikut, shishit, shiut etj.

    Kje eshte thjesht deklarata e dites per te karikuar elektoratin e PDs.

  5. Keshtu sipas komenteve qeveritare , kjo do te thote ; qe jam vetem une, , dhe une do i marr tenderat. Na rrofte konkurenca, e ligji, sepse kete e vendos KM. Prandaj quhen oligarke keta more komentues, prandaj keta xhvasin parate e taksave te popullit, sepse shkojne vetem ne nje dore, e vetem atje ku do psikopati. Kjo nuk eshte zhvillim kapitalist, por vjedhjete kapitalit nga dora e zeze e kesaj qeverie rilindase.

Lini një Përgjigje

Adresa juaj email s’do të bëhet publike.