Mesfushori francez i Manchester United, Paul Pogba, nuk gjen paqe në Angli dhe mendon cdo ditë e më shumë rikthimin tek Juventus. Në ishull janë të sigurtë se tani cështja ka marrë drejtim të pakthyeshëm: francezi i ka komunikuar United se dëshiron të largohet nga Manchester për tu kthyer tek Juventus që në janar.
Sipas ‘Daily Express’ mesfushori francez e ka bërë zyrtar vendimin e tij, duke i shprehur dëshirën Djajve të Kuq që të shpejtojnë me shitjen e tij në merkaton e janarit.
Lajmi është i bujshëm, por nuk çudit askënd, duke patur në konsideratë raportet e këqija mes lojtarit e Josè Mourinho. Madje që në verë u përfol shumë një transferim i Pogba me destinacion Juventus ose Barcellona. Në fund Pogba qendroi tek United, por, është i vetëm në shtëpi.
“Nëse nuk je i lumtur, nuk mund të japësh maksimumin. Ka gjëra që nuk mund ti them se pastaj marr gjobë”, ishte deklarata e Pogba pak kohë më parë, ndërsa Mourinho i përgjigjej: “Po punon dhe luan mirë. E bën për skuadrën dhe tifozët, kjo është ajo që dua nga lojtarët e mi”.
Megjithatë transferimi i një lojtari si Pogba gjatë merkatos së janarit mbetet i komplikuar. Vështirë se Manchester United do të pranojë të privohet nga francezi në mes të sezonit e për më tepër për ta sjellë francezin në Torino duhet një sforco ekonomike e madhe nga Juventus.
Sidoqoftë, sipas rregullave të reja, Pogba mund të luante rregullisht në Champions me bardhezinjtë që në grup janë shortuar bashkë me Manchester United.