Danimarka rrezikon të mos marrë pjesë në Ligën e Kombeve, kompeticioni i ri i organizuar nga Uefa për skuadrat përfaqësueses. Sipas Mundo Deportivo, Federata daneze ka lajmëruar tërheqjen nga turneu për ndeshjet me Sllovakinë e Uellsin për shkak të një konflikti me futbollistët për kontratat e sponsorizimeve: një mungesë akordi mes palëve ka bërë që futbollistët të braktisin grumbullimin dhe të kthehen në shtëpi.
E nuk mbaron me kaq, sepse tani Danimarka rrezikon të jetë edhe pa trajner duke qenë se – sipas asaj që raporton Bbc – edhe tekniku Haraide e asistenti i tij Tomasson janë larguar. Për ta përmbyllur, Danimarka tani rrezikon dënime të ashpra, përfshirë edhe përjashtimin nga të gjitha kompeticionet Uefa.