Specialistët për Krimet në Komisariatin e Policisë Durrës në bashkëpunim me Forcat Shqiponja, mesditën e së hënës kanë marrë njoftimin që është vjedhur me dhunë një market në lagjen 8. Pasi panë pamjet e kamerave të sigurisë efektivët e policisë identifikuan Keni Braçe, 27 vjeç, banues në Durrës.
I riu, nën kërcënimin e një pistolete lodër (tip çakmak) kërcënoi punonjësit e marketit dhe mori 79 300 lekë të reja. Në momentin e arrestimit iu gjet pistoleta tip çakmak; maskë kirurgjie; doreza dhe sasia e lekëve të vjedhura. ©LAPSI.al