11 fitore, 8 barazime, 19 humbje. Një kampionat pa shumë ekzaltime i mbyllur me një vend të 14. Shifra që nuk duhet ti pëlqejnë asnjë tifozi, por që për Watford janë statistika intersante, po ta lidhësh me startin e këtij sezoni. 2017/18 e Hornets të kujton pak si shumë atë 2014/15 të Leicester City. E të gjithë e mbajnë mend si ka përfunduar sezoni pasardhës për Dhelprat. Starti i fortë i skuadrës së Gracia ka bërë që krahasimet të mos ndalen më. E, përvec numrave, ka shumë ngjashmëri mes skuadrës së Ranieri, e aftë të bënte një mrekulli të paharrueshme, e londinezëve, që tani shpresojnë të paktën një sezon për tu mbajtur mend.
? Leicester 2014/15:
– Finished: 14th
– Points: 41
– Wins: 11
– Draws: 8
– Losses: 19
– Next season: Champions? Watford 2017/18:
– Finished: 14th
– Points: 41
– Wins: 11
– Draws: 8
– Losses: 19
– Next season: ?It couldn't, could it? ? pic.twitter.com/DVhkiH6YvG
— Oddschanger (@Oddschanger) September 3, 2018
Postimi në Tweeter i Jimmy Conrad, ish-futbollistit amerikan, në këtë aspekt është iluminues. “Deeney është Vardy. Pereyra është Mahrez. Capoue është Kanté. Foster është Schmeichel. U krye”. Në fakt, krahasimi është i gjetur. Mjafton të marrësh Deeney: një e kaluar në burg se rrahu një student në një pub, një raport me alkoolin jo shumë i thjeshtë dhe shumë gola, pavarësisht se sezoni i kaluar nuk shkoi shumë mirë. Natyrisht që të kujton djalin nga Sheffield që për 6 muaj luajti me byzylyk elektronik. E nëse vazhdon kështu mund të vijë edhe thirrja nga Southgate, ashtu si Vardy në moshën 30 vjecare.
Is Claudio Ranieri managing Watford this season? Because they're winning the league, Leicester City-style!
Deeney is Vardy.
Pereyra is Mahrez.
Capoue is Kante.
Foster is Schmeichel.It's happening.
— Jimmy Conrad (@JimmyConrad) September 2, 2018
Pereyra, ish-Udinese e Juventus, shkoi në Angli pas dy titujve kampion me bardhezinjtë. Djathtosh që luan edhe majtas, pikërisht si Mahrez. Për të në këtë sezon tre ndeshje e tre gola në Premier League. Mund të jetë viti i duhur, njësoj si për franko-algjerianin tek Leicester? Në mesfushë, për të ngjarë me Dhelprat, duhet një motor francez. Watford e ka edhe atë. Etienne Capouè, 30 vjec, me disa ndeshje edhe për përfaqësuesen, mund të mos jetë krejt Kanté, por e mban mesfushën e Gracia në nivele të larta. Për Foster, krahasimi me Schmeichel është i pashmangshëm. Sigurisht, mosha nuk luan në favor të portierit dhe shokëve të tij, por duke qenë se numrat luajnë një rol të rëndësishëm, atëherë nuk është e ndaluar që Watford të ëndërrojë …