Kuvendi i Shqipërisë i është përgjigjur sot kërkesës së drejtuar nga Partia Demokratike, duke votuar pro shtyrjes së hetimeve për Komisionin Hetimor Parlamentar kundër Saimir Tahirit.
Ditën e djeshme në një kërkesë zyrtare, kreu i këtij komisioni, Edi Paloka, kërkonte shtyrje të veprimtarisë së këtij komisioni, pasi sipas tij hetimet ishin penguar.
Sot Kuvendi hodhi në votim kërkesën e PD, edhe pse kjo e fundit së bashku me partitë e tjera opozitare nuk ishte në votim, duke e miratuar zgjatjen e hetimeve me 73 vota pro, 3 kundër dhe 2 abstenim.
Votat kundër ishin nga Spartak Braho, Erjon Braçe dhe Bashkim Fino. Ndërsa Votat abstenim ishin Alket Hyseni dhe Elena Xhina.