• |
ide | kryesore

Krimi/ Kush gënjen Rama, Xhafa apo Lu

Kryesore, Lajme



Vrasjet e muajve të fundit, ku kryefjalë e kronikave të zeza ka qenë Shkodra, kanë tronditur opinionin publik dhe kanë mobilizuar policinë, e cila ka nisur një sërë operacionesh kërkimi në zonat ku raportohet se ushtrojnë aktivitetin bandat krimiale.

Ekzistenca e këtyre bandave provohet nga krimet e prekshme që dalin javë pas jave në media. Por, kryeministri i vendit, ministri i Brendshëm dhe ambasadori amerikan kanë dhënë deklarata të ndryshme nga njëri-tjetri për zhvillimin e krimit në Shqipëri.

Diametrikisht i kundërt me Xhafajn dhe Lu-në është vetë shefi i qeverisë.

Duke folur sot në Asamblenë e Partisë Socialiste, Edi Rama nuk pranoi që ti cilësonte si banda këto grupime që kanë kryer vrasje dhe zhdukje njerëzish. Sipas Edi Ramës, këto persona janë rrugeçër dhe si të tillë ata duhet të humbasin autoritetin që kanë prej vitesh.

“Ne duhet të vëmë një vijë të kuqe të qartë dhe plot ndriçim në çdo qytet për të gjithë rrugeçërit. Se këtu flitet banda, por këtu kemi të bëjmë me rrugeçër kryesisht. Këta duhet të humbasin përfundimisht autoritetin që kanë në rrugë, që gëzojnë prej shumë e shumë vitesh. Duhet të shqetësohen këta kur dalin nga shtëpia” – theksoi Rama, teksa bëri përgjegjëse edhe prokuroritë e gjykatat për lirimet e tyre.

Por, vetëm disa muaj më parë, ministri i tij i Brendshëm dhe ambasadori amerikan kanë dhënë deklarata komplet të kundërta nga Rama. Të dy, Fatmir Xhafaj dhe Donald Lu, janë shprehur se në Shqipëri veprojnë grupe kriminale, edhe pse të dhënat që kanë nxjerrë të dy publikisht nuk përputhen.

Ka qenë fillimisht Donald Lu që më 2 tetor të vitit të kaluar deklaroi se në vend ka katër klane kryesore të cilat drejtojnë 20 familje kriminale që dominojnë aktivitetet e jashtëligjshme.

“Lufta kunder krimit te organizuar; derisa peshqit e mëdhenj të futen në burg do kthehet sërish. Katër klane kryesore drejtojnë 20 familje kriminale shqiptare që dominojnë aktivitetet kriminale. Emiljano Shullazi është një nga këta grupe kriminale. Në 2016 u arrestuan 1940 persona, por më pak se 100 u dënuan” – u shpreh Lu nga ceremonia e 20-vjetorit të Shkollës së Magjistraturës.

Vetëm pak muaj më pas, më 2 shkurt të këtij viti, Fatmir Xhafaj përshkroi në emisionin ‘Opinion’ një panoramë më të gjerë të krimit në vend. Sipas ministrit të Brendshëm, në Shqipëri operojnë rreth 40 grupe kriminale.

Grupet kriminale shqiptarë nuk janë më ato të viteve 90, as të 97-ës më kallashnikov. Janë në një fazë të re.

Sipas standardeve të Europol kemi 15 grupe kriminale, por sipas statistikave tona janë rreth 40 grupe kriminale”, tha Xhafaj, i cili shtoi se 53% e këtyre grupeve operojnë në fushën e narkotikëve, 11% në trafiqet njerëzore, 18% në fushën e vrasjeve dhe 20% në krimin ekonomik.

Pas këtyre deklaratave dhe meqënëse asnjë nga këto grupe kriminale nuk është shpartalluar mbetet dilemë, kujt i duhet besuar, Xhafës dhe Lu-së, apo Ramës, që thotë se ka vetem disa keqbërës të vegjël?

©LAPSI.AL 



12 Comments

  1. Po klani mafioz i Trustit te Geshtenjave me qender bjeshketenamuna pse nuk flet o mandi se ti je dhe i vjeter ne profesion.

    1. O idioti bert teveqel dhe injorant, po na e shpjego pak ti se çfarë qenka ky trusti i gështenjave, or idiot, trustet rinë në qytetet e mëdha dhe jo në Bjeshkët e Namuna.

  2. O autiku i partise te kemi punesuar ne nje qender interneti vetem te besh komente te qena dhe jo bajate o Bert analfabeti.

  3. S’ka banda as hashash e aq më pak kokainë e para të pista. Kjo i vlen krieministrit për t’i shumëzuar të gjitha me. zero dhe për të dalë i larë. Kjo teori është rilindase dhe tregon se çdo skandal apo dështim duhet quajtur si sukses madhështor. Lexoni gjithçka që thotë ai me kokë poshtë, në të kundërt, dhe kështu e keni të çkoduar domethënjen. Boll me dokrra hini.

  4. Jetoni ne Shqiperi por fjala “genjeni te shpie ne gjyq! Te shohim a do ta paditin “zonjushen me sy blue”?

  5. Dylberi(Bert autiku) partise, ti qihesh ne bythe. I ke vesh tangat mavi sot te kalosh njehere nga rilindja

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *