Këtë sezon me fanellën e Juventusit, numëron vetëm 100 minuta në 3 ndeshje dhe, ditën e dytë, u detyrua të shohë shokët e tij të skuadrës të përballen me Lazion pa i vendosur këmbët në fushë. Për të ringritur humorin “gri” të Paulo Dybala në këtë periudhë mund të ishte ekipi kombëtar, por ndodhi e kundërta, për Joya nuk shkoi mirë me fanellën argjentinase, sepse në miqësoren me Kolumbinë, trajneri Scaloni e uli në stol, duke preferuar Meza. Dybala hyri në fushë vetëm në minutën e 54-të në vend të Palacios, aspak entuziast.
Përjashtimi i tij, duke pasur parasysh edhe mungesën e Messi, i ka befasuar thuajse të gjithë, duke përfshirë edhe vëllain e tij, Gustavo që në Twitter ndërsa lexoheshin formacionet ka sulmuar trajnerin Scaloni: “Meqenëse nuk mund të fitojnë para nga ty, mos luaj”. Fjalë të cilat rrezikuan të ngrinin një debat të madh nëse në fund të ndeshjes Scaloni dhe Dybala nuk do t’i kishin hedhur ujë zjarrit përpara kamerave. “Mendoni vërtetë që unë kam një problem me Dybala? Paulo është një fenomen. Ai është një lojtar i madh, nuk duhet të krijojmë situata të tilla, duhet të shikojmë përpara, jo prapa. Duhet të ecim të gjithë në të njëjtin drejtim”, ka thënë Scaloni përpara se t’ia linte skenën Dybalas i cili provoi të zbusë fjalët e vëllait të tij.
“Familjarët gjithmonë duan të na shohin duke luajtur, por unë kam një marrëdhënie të mirë me trajnerin. Nuk ka nevojë të përfshihemi nga këto gjëra, veç të tjerash trajneri është ai dhe duhet të respektojmë ekipin që zgjedh. Grupi është shumë i mirë, plot me djem që duan të japin gjithçka në fushë dhe ky është momenti që të gjithë të ecim në të njëjtin drejtim”