Presidenti Ilir Meta dhe ish-kryeministri Sali Berisha shprehën sot në Facebook urimet e tyre për vendimin e sotëm të Parlamentit Europian për heqjen e vizave të Kosovës.
Ilir Meta përshëndeti vendimin e PE-së dhe u shpreh se kjo është arritje për Kosovën dhe e bën këtë vend të forcohet si faktor stabiliteti në rajon.
“Mesazh i qartë i perspektivës së saj europiane! Shumë i gëzuar për këtë lajm të jashtëzakonshëm dhe arritje të madhe të popullit dhe të shtetit të Kosovës, që rritet dhe forcohet çdo ditë si faktor paqeje dhe stabiliteti në rajon!” – shkruan Meta.
Sali Berisha përshëndeti popullin dhe autoritetet e Kosovës pas votimit të Parlamentit Europian për heqjen e vizave.
Berisha u shpreh se kjo është një arritje e merituar dhe historike.
“Me kete rast le te shprehim ne urimet me te perzemerta qytetareve dhe autoriteteve te Kosoves per kete arritje te merituar dhe historike! Urime!! sb” – shkruan Berisha në Facebook.
Lexo më tej nga Lapsi.al:
Heqja e vizave për Kosovën, reagon Hahn: Dritë e gjelbër për të nisur negociatat
Liberalizmi i vizave për Kosovën, Rama komenton vendimin: Shyqyr që PE hoqi një njollë nga vetja
Parlamenti Evropian voton pro liberalizimit të vizave për Kosovën
©LAPSI.AL
Ju hap barku ketyre , keta duan te falin ndonje cop det qe te vine ne pushtet