Një konferencë e Partisë Demokratike që e akuzon Fatmir Xhafajn për favorizim të bizneseve të lojërave të fatit të lidhur me vëllain e tij, ka rikthyer edhe njëherë në kujtesë përplasjen e tij me Luneda Sufalin, ish Drejtoreshën e Lojërave të Fatit.
Përplasja ndodhi në Komisionin e Ligjeve që drejtohej nga Xhafaj, pikërisht në momentin kur u fol për konfliktin e interesit. Sufali tha se ishte e sigurt që nëse dilnin jashtë deputetët që kishin konflikt interesi, atëherë “i bie që komisioni të prishet” tha ajo.
Nëse denoncimi i deputetëve të PD-së është i vërtetë, atëherë del se batuta e Sufalit shigjetonte pikërisht Fatmir Xhafajn, që në atë kohë drejtonte Komisionin e Ligjeve dhe që reagoi ashpër duke kërcënuar se do të ndërpriste mbledhjen nëse Sufali nuk dilte jashtë.
REPLIKAT NË KOMISION:
Fatmir Xhafaj: Zoti ministër, ndjesë për vonesën, por tani mbaruam ligjin e energjisë. S’keni ardhur kur keni mbrojtur buxhetin kaq shumë nga Ministria, keni ardhur për lojërat e fatit.
Shkëlqim Cani: U trembëm nga hera e kaluar…
Luneda Sufali: Jemi dhe nga Lojërat e Fatit, edhe nga Ministria.
Fatmir Xhafaj: S’kisha parë të merrnit kaq staf me vete ndonjëherë.
Pandeli Majko: Bëj atë pyetjen që thashë unë dje, kush ka konflikt interesi të largohet.
Luneda Sufali: Jam e sigurt fare, të gjithë! I bie të prishet Komisioni.
Pandeli Majko: Çohem unë i pari. Kam lujt skedina në shkollë të mesme…
Luneda Sufali: Janë të gjithë me konflikt interesi, ta garantoj unë me 100 për qind.
Bashkim Fino: Shiko këtej nga opozita…
Luneda Sufali: E, kush ka konflikt!, Këtu jeni të gjithë. Kanë konflikt …
Oerd Bylykbashi: Zonjë do dekriminalizohet shpifja… Edhe shpifjen do ta dekriminalizojmë. Kujdes!
Pandeli Majko: Thuaja pak kryetarit të Komisionit se duhet ta dëgjojë live…
Luneda Sufali: Duhet të bëhet pyetja që t’ia them…
Fatmir Xhafaj: A ka mundësi të mos flasësh më, ose do dalësh përjashta…Këtu e drejtoj unë mbledhjen, aty ku merr pjesë ti, drejtojnë ata (ministri).
Luneda Sufali: Patjetër, por po i ktheja përgjigje zotit Majko.
Fatmir Xhafaj: Patjetër, por përgjigje kur jam unë nuk mund të japësh. Nuk e di çfarë pune bën atje në ministri po…
Luneda Sufali: Pastruese. (Qesh)
Fatmir Xhafaj: Atëherë dil nga salla.
Luneda Sufali: Jam e ftuar në Komision.
Fatmir Xhafaj: Atë e vendos unë, të lutem largohu nga karrigia.
Luneda Sufali: Nuk largohem!
Fatmir Xhafaj: Zonjë, urdhëroj unë këtu!
Luneda Sufali: S’mund të largohem. Më kanë caktuar për të ardhur të mbroj diçka…
Fatmir Xhafaj: E përcaktoj unë. Prandaj tërhiqu mbrapa aty!
Luneda Sufali: Nuk mund të largohem!
Fatmir Xhafaj: Tërhiqu atëherë se do të ndërpres Komisionin, po të them!
Luneda Sufali: Ndërprite…
Fatmir Xhafaj: Nuk thërras pastrueset unë këtu…
Luneda Sufali- Shkëlqim Canit: E kupton çfarë po më kërkon?! Unë kam ardhur në Komision të mbroj ligjin këtu…
Fatmir Xhafaj: Zoti ministër, do marrësh masa apo të ndërpres Komisionin.
Shkëlqim Cani: Po ishte humor, po bënim shaka.
Fatmir Xhafaj: Jo të lutem, nuk ka shaka.
Shkëlqim Cani: Po kjo është drejtoresha e Lojërave të Fatit.
Fatmir Xhafaj: Po aq më keq akoma, në qoftë se është drejtoresha.
Shkëlqim Cani: Po ne po bënim shaka deri tani.
Bashkim Fino: Po bënim humor…
Fatmir Xhafaj: Çfarë humori, pse humor do bëjmë këtu?! Pse për humor kemi ardhur këtu ne me punonjësit tuaj.
Shkëlqim Cani: Nga që s’kishte filluar mbledhja, prandaj.
Fatmir Xhafaj: Muhabet është ky. Drejtoresha që bën shaka në Komision?! Nuk di çfarë është Parlamenti? Mësojani punonjësve tuaj se çfarë është Parlamenti, pastaj hajdeni…
Bashkim Fino: Nga Parlamenti buron qeveria, donte të thoshte…
Fatmir Xhafaj: Duket i paska ec mirë këto kohë, që flet komplet qesim.
Bashkim Fino- Luneda Sufalit: Ç’na bërë moj…
O IDIOTË TË RILINDJES A E KUPTONI TANI SE KUSH ËSHTË MINISTRI I BRENDSHËM ?
Si muli dhe luli qe e kthyen ministrine ne Hale
Ky biçim ministri nuk ka haberr për vëllain e vet se me se merret e jo të dijë kush është drejtoresha e Lojrave të Fatit. Këta jetojnë në qiellin e shtattë nga lumturia që sjell paraja e pistë dhe droga speciale që vjen me avionë të vegjël dhe maune.