Nga Astrit Patozi
Si nuk bëmë një gjë për të qenë një herë të vetme! Që të mos ndyhet nga patetizmi i shpifur dhe nga propaganda arkaike.
Një palë po na e paraqesin si mrekullinë e tetë të botës faktin që ca avionë, të cilët do të ulen në Rinas prej dje, do të kenë të stampuar në trup flamurin dhe emrin e Shqipërisë.
Të tjerët po çjerrin faqet dhe kanë vënë kujën sikur kjo është dita e qametit, vetëm sepse po e pret shiritin qeveria e lidhur me krimin.
Ndërkohë që e vetmja gjë që do të kishte vlerë për shqiptarët, që fluturojnë, është se përse nga Tirana çmimet e biletave janë disafish më të shtrenjta se vendet e tjera të rajonit. Dhe a do të vijë ndonjëherë dita që kjo poshtërsi politike të ndreqet apo do të vazhdojë kështu përgjithmonë.
Këtë askush nuk ua thotë, sepse palëve ndërluftuese nuk u intereson fare ky si problem.
Jo vetëm ata që kanë ngjyer dorën ndër vite tek ky pisllëk korruptiv, por edhe të tjerët që mund të mos jenë përzier, nuk e çojnë fare ndërmend, e jo më të luajnë gishtin për ta zgjidhur ndonjëherë, po t’u vijë në dorë.
Sepse, si ata që po rrahin gjoksin, ashtu edhe të tjerët, që po tregojnë me gisht, nuk i shqetëson problemi real i njerëzve, sa kohë që u intereson vetëm tepsia, për të cilën po i nxjerrin sytë njëri-tjetrit.
Duket si loja, kur nga kapelja del pëllumbi i gjallë ose qeni i të birit të qenit, me aftësitë e prestigjatorit tonë me famë mondiale, të dashuruarit çmendurisht , erdoganisht e putinisht pas avionëve mushkonja.
Edhe ti o -Patozi-per ate dreq tepsi ke shume kohe qe po ben verr -verr-sa volle dhe po vjell vrer per drejtuesit e partise demokratike .Ty ti nxori lakrat -Kastriot Myftaraj tek -Ora Njuzi qe ti na paskerke qene ne fillim me social-demokraten e Skender Qenushit pastaj na ke hyre si ciban ne PD-.Tani prandaj po vjell vrer sepse u ktheve ne indetitet.
Ne toke kallemi i qeverise i la parate me oligarket, ne aje me avione te bojatisur qe i quan ; AIR ALBANIA, formalitet, qe eshte me shume mashtrime e mbeshtjelle. Edhe aeroplaneve do i dale boja, por dhe ketij bojaxhiu do inxihet surrati.
Me vrap ne Servis dhe mos dil pa lejen e saliut se è ke mendjen te coroditur prej tij mire thot bert per ty.
Berti a e di që nganjëherë ke dhe humor?