Pas Cristiano Ronaldo, në kampin e Juventus po shohin me prioritet një tjetër goditje të madhe në futbollin ndërkombëtar. Drejtuesit bardhezinj e dinë mirë se për tu afirmuar në panoramën Botërore është e nevojshme të kesh kampionë në skuadër me aftësi teknike të lartë, por mbi të gjithë të jenë të paparashikueshëm që të mos i japin pika referimi kundërshtarit.
Agnelli, në një intervistë për Financial Times, ka përcaktuar një identikit shumë të qartë të super blerjes së ardhshme të Juventus: “Duhet të jemi në gjendje të marrim Cristianon e ardhshëm, por të moshës 25 vjec. Do të planifikojmë hapat e mbetur për tu bërë numri 1″.
Tifozët bardhezinj ëndërrojnë dhe kanë nisur të mendojnë emrat: më i zakonshmi është ai i Milinkovic-Savic, 23 vjec dhe luan me Lazion. Tek ai pëlqehet forca fizike dhe kualiteti i padiskutueshëm: i njëjti që mund të dallohet tek këmbët e Federico Chiesa që po shkëlqen tek Fiorentina.
Bardhezinjtë e kanë treguar se dinë të dalin edhe jashtë Italisë e në këtë rast Marco Asensio i Real Madrid është një protagonist i jashtëzakonshëm për tu marrë në konsideratë. Në Spanjë është gjithashtu edhe një tjetër kampion i këtij niveli: mesfushori i Atletico Madrid, Saul Niguez, i cmuar në veprimet me topin dhe depërtimet në zonën e vogël.
Edhe në Premier League nuk mungon zgjedhja: Gabriel Jesus e Dele Alli janë dy talente të pastër nën 25 vjec, pa harruar gjermanin Sanè, ku shihen qartë cilësi superiore, sidomos në shpejtësi e sipër.
Një karakteristikë që nuk i mungon Kylian Mbappè, ndoshta ëndërra e vërtetë e Agnelli. Por francezi është po aq i vështirë për tu negociuar sa edhe braziliani Neymar, ndaj Juventus duhet të mendojë vec anës financiare, edhe një strategjie për tiu afruar…